21.3 C
Hakha
Thursday, April 15, 2021
- Advertisement -

Ṭial Tharmi

President Trump nih ralzaam 18,000 lawng lak dingin min a thut cang

2020 Budget Kum chungah ralzaam 18,000 te lawng lak dingin US President Donald Trump nih Zarhteni ah minsen a thut cang.

2020 Budget Kum (FIY 2020) cu kan hnu thla October 1 in aa thok i hmai kum September thla dongh tiang asi lai. Mah chungah ralzaam 18,000 lawng lak dingin Trump nih min a thut hi si.

2019 Budget Kum chungah ralzaam lak ding cu September thla dongh ahkhan caan a dih.

September thla dongh lai lole October thokka ah ralzaam thar lak dingin President nih min thut ding asi nain nizaan tihni ceo ah min a thut caah October thla chung vialte kha ralzaam pakhat hmanh US an kal kho lo. Kal ni thanh cangmi zong an let dih hna.

US cozah nih kum 1980 in ralzaam lak a thok i nihin tiangah tutan hi tlawmbik lak an timh asi.

September thla ah Ramdang Vuanci Zung nih ‘hmai kum budget chungah ralzaam 18,000 lak dingin khua kan khan lio asi’ tiah a rak thanh cangka in Khrihfabu le mihar bawmtu bu pawl nih fakpi in an mawhchiat i ‘tam deuh in la hna’ tiin cathanh an chuah len.

Sinain, Trump nih zei a relpiak hna lo. 18,000 lawng lak dingin zahan tihni ah minsen a thut tthiam ko.

2019 chung ah Trump acozah nih ralzaam 30,000 lak dingin bia a khiah. Zeizat sat dah an lak khawh ti balte cu hngalh asi rih lo. A caan cun lak ding an timi zat hi an la tawn hna lo.

Obama nih cun a donghnak bik president a tuan kum zongah ralzaam 85,000 a lak hna.

Vawlei cung ramkip in ralzaam 18,000 lawng lak cu harnak fak taktak a tongmi palw usape an si lai caah Malaysia le India um Chinmi cu tlawm parek taktak te lawng US an kal cang lai tinak asi.

US tuanbia ah Donald Trump hi ramdangmi a hua bikmi le ralzaam lak zong a duh lo bikmi president asi.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -