28.3 C
Hakha
Friday, May 7, 2021
- Advertisement -

Ṭial Tharmi

President Trump nih TikTok le WeChat a Phih TakTak Cang

US President Donald Trump nih China company ta a simi TikTok le WeChat app cu US ram ah hman khawh ti lo dingin nawl (order) a chuah cang.

Nilini zaan (US caan) ah President Trump nih “president nawlngeihnak (executive order)” hmangin a phih hi si.

Tuni thok in ni 45 hnu ah US ram ah hman khawh an si ti lai lo. Ni 45 hnu ahcun US ram ah Google PlayStore le Apple AppStore ah an um ti lai lo.

Amahbalte, TikTok cu US company Microsoft nih cawk dingin a hal cuahmah liopi sikaw, ni 45 chungah a cawk khawh ahcun US ram ah hman khawh asi hnga.

TikTok nih Microsoft company sinah a zuar duh lo zongah US rammi caah a poinak um leemlo. TikTok cu umhar pheng video luklak tarnak asi ko caah hman khawh ti lo zongah a poinak um lo.

WeChat balte cu US company pakhat hmanh nih cawk dingin an hal lo caah ruahchannak a um ti lo.

US ram ah WeChat hman khawh asi ti lo hnu cun US um China rammi pawl an sivang taktak lai. China um an chungkhar le hawikom he i pehtlaih a har tuk cang lai.

China nih US social media company vialte (Facebook, Instagram, Messenger, WhatsApp, Youtube, Gmail, Google, Twitter, Reddit, Thumblr, tbk.) vialte a phih dih hna caah ramdang ummi nih China ummi pehtlaih khawhnak cu WeChat lawng asi.

President Trump nih, “TikTok le WeChat app a hmangmi paoh cu China company nih nan umkalnak vialte, internet ah nan tuahmi vialte le nan konglam vialte an hngalh dih caah US ram himnak caah ṭihnung tuk asi. US cozah rianṭuan pawl zong TikTok le WeChat nan hman ahcun China cozah nih a duhpaoh in an bih khawh hna. TikTok le WeChat hi China nih US bihnak caah a hman khawh,” tiin a phih hna hi si.

TikTok company nih “Trump acozah nih Hluttaw (Congress) lungtlinpinak zong tel loin amah ruahnak pi lawngin a phihmi si, US upadi kan buarmi um lo. Trump order cu leet ter dingin US biaceihzung ah taza kan cuai lai” tiah thawng a thanh colh ve.

India cozah zong nih June thla ah TikTok le WeChat telh in China company apps 100 leng a phih hna.

Charhchan: FoxNews, CNN le CNet

- Advertisement -

Ṭial Tharmi

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...
- Advertisement -

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Thawngṭha: US President Biden nih 2021 ah refugee 62,500 a lak hna lai

US President Joe Biden nih, "2021 Budget Kum chungah US nih ralzaam 62,500 kan lak hna lai," tiah May 3 ah bia a chah. President...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -