15.3 C
Hakha
Thursday, April 22, 2021
- Advertisement -

Ṭial Tharmi

Rakhine State ah Ralzaam 226,000 Leng an Um Cang

Rakhine state ah cozah ralkap le Rakhine hriamtlai AA ral ruangah inn a zaamtakmi ralzaam 226,804 an si cang.

July thla ahkhan ralzaam 190,700 leng an si. August thla in atu kar ah 36,000 leng an karh, tiah Rakhine Ethnic Congress (REC) nih a thanh.

“Kaladan Tiva thluangthluan um khuami pawl cu an khua an khanghpiak hna, an hliamh hna, an thah hna i cozah ralkap nih an khua an hrawh piak hna caah an zaam dih. Mah ruangah umnak ngei lo ralzaam an karh tuknak asi,” tiah U Zaw Zaw Tun nih a chim.

“Kyauktaw, Rathedaung le Buthidaung peng khuate pawl hi a zual khun,” ati.

U Zaw Tun nih, “cozah ralkap nih ral tuk ngol sehlaw COVID-19 pulrai ruangah rawl a harsami hna kong hi ruat deuh seh ti ka duh,” tiah a chim.

Rakhine state ah COVID-19 zawtnak a karh tuk caah cozah nih “inn ah um dih uh” tiin nawl a chuah nain cozah ralkap nih ral tuk a ngol hlei lo, tiah REC nih a chim.

September 17 ah, Rathedaung peng Shwe Laung Tin khua cu cozah ralkap nih miakpi in a kah i khuami 1 a thah, 2 a hliamh hna. Mah ruangah khuami vialte nih Sittwe le peng dang lei panh in an inn an zaamtak dih.

“Inn ah um kan duh ko nain kan um kho lo. COVID-19 zawtnak kan ṭih ko nain, miakpi nih a kan tlak lai ti kan phang,” tiah Sittwe khua um phungki sianginn ah aa dormi Shwe Laung Tin khuami Daw Khin Khin Than nih a chim.

Mah lak cun, COVID-19 ruangah cozah nih khualtlawn a khap caah mi bawmtu bu pawl zong nih an bawm kho hna lo.

Ralzaam camp 1 ah ralzaam 1,000 hna an um caah COVID-19 nih a den sual hna ahcun khuaci an mui lai.

Kyauktaw peng khuasa Pyithu Hluttaw MP U OO Tun Win nih, “mipi cu inn ah um uh, leng nan chuah cun mask i hruk uh ulaw pe 6 hlat in um uh tiin cozah nih a ti hna nain, khuami dihlak an i dornak ralzaam camp pawl ahcun zulh khawh ding asi lo,” ati.

“COVID-19 pulrai lio hna ahhin cun kap hnih nih ral tuk ngol hna seh ti ka duh. Hi tlukin mipi harnak an ton lio hoi hna ahcun, mipi zaangfahnak langhter hna seh ti ka duh. COVID-19 pulrai lio ahcun mipi hi usapek ding an si,” ati.

Cozah ralkap (Kawl Ralkap) le AA cu Rakhine state ah 2018 November thla in atutiang an i kap peng. Khua an hrawhmi, khuami an hliammi le thahmi hna tuak tikah tutan hi an i kah fak bik asi.

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -