14.1 C
Hakha
Sunday, May 9, 2021
- Advertisement -

Ṭial Tharmi

Ralkap nih Chin ralzaam porter an phorhter hna

Chin state Paletwa peng i Miza khua ralzaam camp ah aa dormi Chin ralzaam pawl cu Kawl Ralkap nih porter an phorhter hna. Miza khuami zong an phorhter ve hna.

Mah ruangah tu zingka zong mi cheukhat cu Miza khua in ralkap ei ding facang an phor len cang.

Miza khuabawi Pu Hoi Lawh (ဦးဟွေလော့) nih, “ralkap nih ralzaam camp um ralzaam pawl zong bawmh an hal hna, an fial hna,” tiah tu zingka ah a chim.

“Miza khuami zong bawmh an hal hna, an fial hna. Tu zingka porter a phor ding pawl cu atu hi minung kan khomh cuahmah lio asi. Cheukhat cu an phor i an i thawh cang. Cheukhat cu an kal duh lo.

“Zeitin dah kan tuah lai ka hngal ve lo. Thaizing hi ralkap bawi sinah ka kal lai. Porter phormi pawl an kalnak ding cu Utalinchaung lei ah si,” tiah a chim.

Miza khua in Utalinchaung tiang cu ke in ni 1 kal asi. Motorcycle lam zong a um lo caah ke lawng in kal khawh asi.

Kawl Ralkap nih cun facang tun 1 phorh man tangka thong 4 kan in pek hna lai, an ti hna.

Miza khua inn 10 uk Pu Maung Lwin nih, “Miza khua in Utalinchaung tiang cu a laang in kal ahcun zaan khua an mui lai. Atu zong cu ralkap an bawmh duh hna caah an phorhmi si lo,” tiah a chim.

“Zei ruang dah an phorh piak duh hna lo ti ahcun, an himnak kong ah ralkap nih tuanvo an lak lo caah Rakhine pawl umnak khua kan phak tikah harnak kan tong lai ti an phang.

“Ni kum i Kawl Ralkap facang an rak phorhpiak hna lio zongah, tu hnu cu phorhpiak ti hna hlah uh, nan phorhpiak rih hna ahcun… tiin tlerh an rak tong.

“Atu an kalnak ding zong cu Rakhine pawl umnak khua asi. Cun, Miza khua kiangkap vialte hi Rakhine pawl umnak khua lawngte an si.

“Atu zong hohmanh nih an phorhpiak duh hna lo. Cucaah a rauh hlan ah uktu pawl meeting kan tuah lai. Fur ahcun lawng in kal si caah an rak phor lo,” tiah a chim.

“Atu hi Paletwa peng a daih lo lio si caah ramtang kal cu khuami nih an ngamh lo. Paletwa peng ahhin ramtang kal ruangah Chinmi 82 an tlau cang,” tiah Chin state cozah biachimtu Sipin le Mei Vuanci U Soe Htet nih a chim.

Charhchan: Zalen

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -