20.2 C
Hakha
Sunday, May 9, 2021
- Advertisement -

Ṭial Tharmi

Rev. Dr. Van Ram Uk le Rev. Robert Thawng Zam sawm in Malaysia Lai Mino Conference an tuah lai

Kuala Lumpur — Rev. Dr. Van Ram Uk le Rev. Robert Thawng Zam sawm in a ra laimi October 24, 25 le 26 ah Malaysia Lai Mino Conference an tuah lai.

Malaysia um Chin mino hna hi vawlei pumsa duh sualnak ah tlu loin Pathian lei ah karhlang deuh usih, ti ruahchannak he Pathian aa bochan mino cheukhat nih anmah tangka te chuah in an tawlrelmi asi.

Malaysia Senthang Christian Fellowship ah zaanlei 1pm in thok asi lai. Grab/taxi in rat a duhmi nih ‘Malaysia Senthang Christian Fellowship’ tiah tial khawh asi.

Malaysia cu rianttuan cio asi caah Chin mino tampi cu Zarhpini zong rian an ttuan, an i pumh khawh ti lo caah Pathian bia he an i hlat chin lengmang.

Mino tampi cu Zarhpini rian dinh khawhmi an kawl len nain Malaysia ahcun Zarhpini hi dawr ah customer an tambik ni asi caah Zarhpini dinh khawhmi rian i hmuh a har tuk hringhran.

Customer tlawm caan zarh tanttim deuh ah rian an i dinh tawn caah Nilini, Ningani le Zarhteni (October 24th, 25th le 26th) ah tuah an timhnak asi.

Malaysia khuazakip um Chin mino vialte Amah thangṭhatnak hmun ah ra chuak cio dingin kan in sawm hna. Mino lawng si loin Pathian bia ngaih a duhmi paoh rat khawh cio asi.

Tam deuh theih a duhmi nan um cun atanglei langhtermi Malaysia Lai Mino chungttuan phone number ah chawnh khawh asi.

Malaysia Lai Mino Conference

  • OCTOBER 24th, 25th le 26th
  • Grab: Malaysia Senthang Christian Fellowship
  • Contact: 01164212913 | 0164810724 | 01127723893

Speakers:

  • Rev. Dr. Van Ram Uk
  • Rev. Robert Thawng Zam
- Advertisement -

Ṭial Tharmi

Chinmi lakah ‘Stanford University’ a kai kho hmasa cemmi Biak Tha Hlawn – Lawmhpi cio hna usih

Biak Tha Hlawn cu Chinmi nih kan kai khawh bal lomi vawlei cung university ṭha bik 2nak Stanford University nih a cohlan pinah scholarship...

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...
- Advertisement -

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -