Rihkhawdar khua ah mino pa 4 nih facang dawr an baoh i facang tun 10 an fir tiah kan theih.
Pa 4 nih Rihkhawdar khua, No (2) sang ah a ummi facang dawr pakhat cu a tawh an baoh i facang tun 10 an fir, tuni ah an firmi facang tun 4 he an tlaih hna.
Rihkhawdar khua, No (2) sang ukbawi Pu David Thang nih,”An dihlak in hi ka khua ah a ummi an si hna. Kum 18 cung fai lawng an si rih hna. A tlaumi facang he kan hmuh chih hna tikah palek sakhan ah kan ap colh hna. Palek nih a herhmi cu an pehzulh lai,” tiah a chim.
An baohmi facang dawr cu Tio tiva in Rih lei kalnak khua kianglei ah a ummi a si.
“Voikhat zaan ah facang chiahnak lei innka tawh an boah i facang an i kalpi. A thaizing zaan ah facang dawr tawh cu an remh caan an baoh kho ti lo i pawngkam um datsi dawr an baoh tthan. Datsi an fir le fir lo cu kan hngal lo,” tiah facang dawr pawng um datsi dawr ngak pakhat nih a chim.
Palek sakhan ah apmi mino pa 4 cu zuu din hmangmi an si. Atu lio cu Covid-19 ruangah rianttuan awk a har liote a si.
