21.3 C
Hakha
Thursday, April 15, 2021
- Advertisement -

Ṭial Tharmi

Ritsii $42 million man phortu Myanmar 6 India nih tlai

India ramri rili vengtu ralkap nih Myanmar rammi pa paruk an tlaih hna i $42 million man ritsii ‘ketamine’ an chuh hna.

Nicobar Islands pawng i India Rilipi ah lunghrinhmi tilawng an hmuh hnu ah an dawi i an tlaih hna hi si.

India’s Exclusive Economic Zone ah mei aa vang lomi tilawng pakhat cu Nithumni ah India rili veng vanlawng nih a hmuh i ritsii ketamine 1,160kg an tlaih, tiah India Ralkap Vuanci Zung nih cathanh a chuah.

Radio in an auhmi hna cu tilawng rianttuan nih an leh lo caah rili veng ralkap nih an dawi i an tlaih hna. Ningani ahkhan an tilawng cungah ‘lunghringhmi thil tom 57’ an hmuh.

Thil tom 57 cu an check tikah ritsii ketamine an rak si i a dihlak fonh ah 1,160kg a rit.

Myanmar rammi pa paruk le tilawng cu Andaman le Nicobar Islands khualipi Port Blair ah an kalpi hna i bia an hal hna.

“September 14 ah Myanmar in kan i thawh. Zarhteni ah Thailand-Malaysia ramri rili ah tilawng pakhat he aa tong ding kan si an ti,” tiah India Ralkap Vuanci Zung nih a thanh.

Nicobar Islands cu Myanmar, Laos le Thailand aa tonnak hmun, upadi zong um khawh lonak “Golden Triangle” tiin auhmi vawlei cungah ritsii tambik an chuahnak hmun pawngah ummi si.

“Golden Triangle” tiin auhmi ram 3 aa ritnak ramtang ahcun misual le miphun hriamtlai bu pawl nih ritsii chuannak an tuah i kum fatin “heroin le methamphetamine” ti bantuk ritsii tam taktak an chuah i Asia leitthen ram tampi ah an kuat peng.

Vawlei cungah ritsii tambuk an chuahnak cu Latin America asi i achangtu ah Myanmar (Myanmar, Laos le Thailand aa ritnak Golden Triangle) hi asi.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -