21.3 C
Hakha
Thursday, April 15, 2021
- Advertisement -

Ṭial Tharmi

Salai Ceu Bik Thawng nih “NLD nih Amah Lawngin Cozah a Tlai Kho Lai Lo” a Ti

A ra laimi November 8 thimnak ah “NLD nih amah lawng in cozah a tlai kho lai lo, tlangcung party bawmhnak a herh lai,” tiah Salai Ceu Bik Thawng, CNLD party chungṭuan nih Hakha Post ah a chim.

Myanmar Rampumpi Hluttaw (Pyidaungsu Hluttaw) ah MP 664 a um. Cozah tlaih khawhnak ding ahcun acheu fai 333 ngah a herh.

Salai Ceu Bik Thawng nih, “tu kum thimnak ahcun NLD nih a tambik MP 300 cung a hmu hrimhrim lai lo ti kan zumh, mifim thiam zong nih an zumhmi si,” tiah a chim.

“Tlangcung states 7 ah MP hmunhma 207 hrawng a um. 2015 thimnak ah tlangcung party nih 50 hrawng lawng kan ngah. Mah hmanh cu Rakhine, Shan, Pa’O, Palaung le Zomi party nih an ngahmi lawng asi.”

“Tlangcung party nih MP 100 hrawng kan ngah ahcun cozah thimnak tawhfung tlaitu (siangpahrang thimtu) kan si lai. Mah tik cun, kanmahle state cio ah kanmah nih cozah kan tlaih lai i central ah nanmah nih cozah tlai uh kan ti khawh.”

“Tutan thimnak ahhin miphun party nih kan hmunhma ah a ummi MP 207 chungah 100 hrawng kan ngah ahcun NLD nih rampumpi ah MP 300 hrawng lawng a ngah lai caah cozah a tlai kho lai lo, tlangcung party a kan herh lai.”

“Mah tikah tlangcung party cu cozah thimnak tawhfung tlaitu (siangpahrang thimtu) kan si lai. Mah tik cun, kanmahle state cio ah kanmah nih cozah kan tlaih lai i central ah nanmah nih cozah tlai uh kan ti khawh,” tiah a chim.

A chimmi cu atang i Hakha Post interview minutes 25nk ah zoh khawh asi.

Mahte hi CNLD party nih aa ruahchan bikmi asi. Mah dah lo cu Chin State Cozah le Vuancichoh a tlaih khawhnak lam um lo.

Salai Ceu Bik Thawng nih a chimmi hi thil har ngai cu asi;

  1. 2015 ah MP 50 hrawng lawng a ngahmi tlangcung party nih MP 100 an ngah ding a har ngai
  2. A chim bang NLD nih amah lawng in cozah tlai kho loin tlangcung party he ṭangṭi cozah (coalition government) ser hmanh sehlaw mah thawngin tlangcung party nih state cozah an tlaih dih lai ti hi 100% chim khawh asi hlei lo. An halmi paoh “yes” a ti dih lai lo, “no” a timi um pah ve lai
  3. NLD nih amah lawngin cozah a tlaih khawh lo hmanh ah MP tampi si loin tlawmpal te lawng a herh ahcun tlangcung party dihlak bawmh a herh lai lo
  4. NLD nih kanmah lawngin cozah ser khawh dingin teinak hmuh kan i zuam lai ati i aa zum ngai ve fawn

NLD Vice Chairman Dr. Zaw Myint Maung nih, “kanmah lawngin cozah tlaih khawh dingin teinak hmuh rih kan i zuam lai, 2015 ah kan rak ngahmi hmun vialte ngah khawh ṭhan kan i zuam lai,” ati.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -