20.3 C
Hakha
Sunday, April 18, 2021
- Advertisement -

αΉ¬ial Tharmi

Salai Lungthli Tum: MP Ka Tlin Ahcun

Pumpak (independent) in Thantlang peng Pine Hluttaw No.2 MP cuh aa timmi Salai Lungthli Tum nih “MP ka tlin ahcun…” tiah atanglei bangin a lungthlitum a αΉ­ial.

Ram le miphun sersiamnak hriamnam tha bik cu fimthiamnak a si. MP ka tlin ahcun keimah meehmun ah a ummi khuate sianginn vialte cachimhtu tlamtling an ngei maw timi ka zohfel hmasa lai. An ngeih khawhnak ding ah ka sining dihlak kaa zuam lai.

Khuahrang a si ah cun Khuahrang khuami kha cachimhtu caah rian pek a tha bik tiin ka ruah, Vawngtu ah cun Vawngtu khuami a tha bik ve. BA a ngahmi thengte a si lai timi ka cohlang lo, degree a ngei lo nain ca a thiam i dawtnak a ngeimi a si ahcun cachimhtu rian pek khawhnak ding kaa zuam lai.

𝑲𝒉𝒖𝒂𝒕𝒆 π’”π’Šπ’‚π’π’ˆπ’Šπ’π’ π’‘π’‚π’Œπ’‰π’‚π’• 𝒂𝒉 π‘¬π’π’ˆπ’π’Šπ’”π’‰ π’ˆπ’“π’‚π’Žπ’Žπ’‚π’“ 𝒂 π’„π’‰π’Šπ’Ž π’Œπ’‰π’π’Žπ’Š π’‘π’‚π’Œπ’‰π’‚π’• 𝒕𝒂𝒍 𝒂 π’–π’Ž π’‰π’“π’Šπ’Žπ’‰π’“π’Šπ’Ž 𝒂 𝒉𝒂𝒖, 𝒄𝒐𝒛𝒂𝒉 π’π’Šπ’‰ 𝒂 π’‘π’†π’Œ π’Œπ’‰π’‚π’˜π’‰ 𝒉𝒏𝒂 𝒍𝒐 𝒂𝒉𝒄𝒖𝒏 π’Œπ’†π’Šπ’Žπ’‚π’‰ π’‘π’–π’Žπ’‘π’‚π’Œ π’‘π’‰π’‚π’Šπ’”π’‚ π’‰π’Žπ’‚π’π’ˆ π’Šπ’ 𝒂 π’‡π’Šπ’• π’Žπ’Š π‘¬π’π’ˆπ’π’Šπ’”π’‰ π’„π’‰π’Šπ’Žπ’‰π’•π’– π’Œπ’‚ 𝒉𝒍𝒂𝒏 𝒕𝒆 π’π’‚π’Š.

Kawlholh le English an theih hlan te cu ngakchia theihmi holh in cachimh ding ka forh hna lai(cozah nih a duh lo). Nain, thiamsang i chuah khawhnak ding caah Kawlholh le English thiam hrimhrim a herh, hman lengmang a herh, mah le pengtlang holh in vawlei fimnak kutka hon khawh a si lo, English hi fimnak kutka i tawh a si timi an pemh khawhnak ding ka si khawh chung kaa zuam lai.

Laimi kar fawi deuh in i chawnh khawhnak cu Laiholh hi a si caah kan thiam cio ahcun a chiatnak a um lo, thahnemnak tampi a um timi zong an pemh khawhnak ding ka zuam chih lai. Cozah theihpinak lak lo zong in khuami nih duh ahcun cawn khawh a si ko, holh cawn ruang ah thongthlak a um hraw lai lo.

Lautu, Mara le Zophei holh zong kan thiam a herh i a tlau lo nak hnga kan kilven le kan dawt a herh timi biatak tein ka aupi fawn lai(peng dang nih an thiam ve a herh tinak a si lo). 

Cun, thiamnak aa tel lomi by-heart system a tlau khawhnak ding ah biatak tein ka zuam lai. By-heart in cauk pakhat zah dih nakin lung i fian hnu ah ca tlangkhat thiam hmanh kha man a ngei deuh tuk timi an i fian khawhnak hnga chimrel le nunter ka zuam lai. 

Hi ka saduhthah cu upadi ser theng zong a hau lem lo, mipi i zuamnak a um ahcun fawi tein tlamtlinter khawhmi a si.

Theihternak: Salai Lungthli Tum cu MP cuh aa timh caah a chimmi paoh post khawh peng kan i zuam cang lai. Amah lawng si loin MP cuh aa timmi dang zong. The Chin Express nih hohmanh kan thleidang hna lo, hohmanh kan doh in kan hlorh hna lai lo. An chimmi paoh an chim ning tein mipi sinah thlah lawng kan rian asi. Bia dik lo an chim caan ahcun mithmai zoh loin fact-check kan tuah lai.

- Advertisement -

αΉ¬ial Tharmi

Tuni ah ralkap nih minung 2 meithal in an kah hna

Tuni Zarhpini ah, Mandalay ramαΉ­hen Myingyan khua ah tlangval pakhat cu ralhrang Myanmar ralkap nih meithal in an kah caah a nunnak caah thinphan...

Sihni Salai Dawt Cung Lian inn ah gas a puak i a nunnak liam

Sihni Salai Dawt Cung Lian cu an inn ah gas a puak i a nunnak liam tiah kan theih. An nih hi Mandalay ah ralkap...

Yangon ah bomb a puak i ralkap 3 hliam tong

Nizaan ahkhan Yangon ah bomb tam ngai a puak i ralhrang Myanmar ralkap a tlawmbik 3 paoh hliam an tong, tiah The Irrawaddy media...
- Advertisement -

Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko. Thil thar sertu le sipuaizi thlengtu pawl he...

Apoi tuk: Min Aung Hlaing cu ASEAN Meeting a kai lai

Uknak firtu Myanmar ralkap bawizik Min Aung Hlaing cu April 24 ah tuah ding ASEAN meeting ah an sawm ve caah Indonesia a tlawng...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -