Salai Lungthli Tum nih nizaan ah Hakha peng ah a harsa ngami chungkhar 144 cu tangka Kyats 20,000 cio bawmhnak a pek hna.
July thla thok ka ahkhin Salai Lungthli Tum nih MMK ting 100 hrawng dihin Hakha le Thantlang peng khuate pawl ah harsa bawmhnak ka pe lai tiah thawng a thanh.
Salai Lungthli Tum: Laitlang khuate ah rian zong a tuan kho ti lo i cawmtu fale zong a ngei lomi harsa taktak an tam tuk. Tampi cu khuami nih zohkhenh hna hlah sehlaw ei awk rawl hmanh a ngei lomi an tam lai, zoh ah zaangfak tuk an si hna.
Kan pekmi hna lakah a vansang tukmi zong an um i mah bantuk hi cu thla 3 dan voikhat tibantuk bawmhnak pek than khawh zong kai zuam lai, dam tein ka um ko ahcun.
Hakha peng ah a harsa ngaimi chungkhar 144 cu 20,000 cio bawmhnak kan pek khawh cang hna. Senthang nichuah lei, Zokhua peng le Mie peng cu kan pek dih cang, ting 29 a dih. Tuzarh chung ah Senthang nitlak lei kal rih ding a si.
Ka hawile Bawi Bik Thawng le PaTum Vawngtu nih nili le zaanli riah in khuate vialte an kal hnawh hna i an va pek hna hi a si. An cung ah lawmh lo awk a tha lo. Fur lio a si caah lam a chia i an tha a ba tuk ko lai. Nain, harsami lung an lawmhter caah an thabat man a sunglawi khun ka ti.
Thantlang peng lei zong zarhkhat riah in kal rih ding a si. Hakha peng nakin khuate a tam deuh caah a rau deuh lai, ka hawile zong an rethei deuh te lai.
Charhchan: Salai Lungthli Tum Facebook
