14.1 C
Hakha
Sunday, May 9, 2021
- Advertisement -

Ṭial Tharmi

Sui Hlei Tial Ruak cu Thantlang Khua an Luhter Duh Lo caah Lamkam ah an Phum

Malaysia ah a nunnak liammi ngaknu Sui Hlei Tial ruak cu nizaan ah Thantlang khua an phakpi nain cozah nih khua chung luh a sian hna lo, lamkam ah a phumter hna.

Atanglei ah ruak vui lio video zoh khawh asi.

Kum 21 ngaknu Sui Hlei Tial cu September 29 ahkhan a umnak Malaysia ram, Sungai Buloh khua ah inn dot 9 cungin a tla sual i a nunnak liam.

A ruak cu a nulepa umnak Thantlang khua ah an kuat i nizaan kha Thantlang an phakpi nain atu bantukin khua chung luhter loin lamkam ah an phumter hna hi si.

Malaysia sizung le Myanmar Tanzung nih “COVID-19 in a thimi si lo” tiin ca an ṭialpiak ko nain Thantlang khua cozah nih khua chung luhpi le thlanmual ah vui a sian hna lo.

COVID-19 in a thimi si lo … tiin Malaysia um Myanmar Tanzung nih ca a tialmi

Ruak a phak hlan zahan zingka ah, Sui Hlei Tial a chungkhar cu Thantlang khua cozah le COVID-19 Committee nih an auh hna i chungkhar lei nih thil sining ṭha tein an chimh dih ko hna nain an duh lo.

Nawlngeitu nih “ruak cu Hakha hmanh luhpi a ngah lai lo … ” an ti caah chungkhar cu Hakha khua ah an va kal i nawlngeitu sinah nawl an va hal.

Cutin, Thantlang lei ah ruak cu an lanhpi khawh nain khua luh lai Laipawng Lung ah cozah nih ruak phorhnak mawṭaw cu a kham i khua chung luhpi a sian hna lo.

“Khua chung luhpi na kan sianh lo ahcun, thlanmual cu khua chung luh hau loin kal khawh asi ko caah thlanmual tal ahcun vuinak nawl kan pe uh” tiin chungkhar nih an nawl chih len hna nain an duh lo.

Nawlngeitu nih ṭheng an hlan i khua luh lai lamkam ah khor an cawh i kahin phum uh an ti hna caah zaan suimilaam 8 hrawngah cuka cun an phum.

Ruak a tawngmi pa pali (4) cu inn ṭinter loin cozah nih khumhernak hmun (Facility Quarantine) ah a khumherh/quarantine hna.

Atang video ah ruak vui lio video zoh khawh asi

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -