Falam khua pawng i Surbung tlang ah sakmi airport ah a ra laimi ပြင့္လင္းရာသီ (ruah a um tilo/nitlan a that thla) ah vanlawng hme kan ttumter hnik tiah Chin state Sipin Vuanci U Soe Htet nih a chim.
“Pe 2,000 sak a hau rih. Mah cucu a ra laimi kum budget in 800 million Kyats hrawng kan hman chap te lai. Aa lim cangmi pe 4,000 chungah vanlawng hme cu hneksak can ah kan ttumter lai. Hnesak ding cu cozah rianttuan zong nih an lungtling cang,” tiah U Soe Htet nih a chim.
Airport caah a herhmi terminal le zung pawl cu October thla ah sak hram an thok lai.
Vuanci U Soe Htet nih,”Atu hi rian dinh cu si lo. Ruah a tam caah rianttuan awk tha tuk lo. Tu kum ca budget zong a dih cang ti awk a si. Kum 2020 budget in a tlamtling rih lomi inn le zung pawl cu a dihlak in kan sak te lai. Kum 2020 October thla hrawng ah airport cu tlamtling tein an lim khawh te lai,” tiah a chimchap.
Surbung Airport cu rili in peng 6,000 a sannak hmun ah sakmi a si i, an lim tik ahcun An lim tik ahcun ATR 72 (MTOW-49604) vanlawng pawl an ttum kho te lai. – Chin World
