Falam khua pawng um Surbung airport ah pawngkam hninghno in i dawh seh tiah Japan cherry le far kung pawl an cin hna.
Tit-taw Zung rianttuan le airport rianttuan hna i bawm in nizaan ah cherry le far kung pawl cu an cin hna.
“Surbung airport pi aa dawh nak hnga caah Japan ram in hlutmi Japan cherry kung 100 le Laitlang far kung 250 cu ningcang tein kan cin hna.
“Tit-taw zung rianttuan zong nih a kan bawmh. Anmah pawl he i bawm in Japan cherry kung pawl cu rem tein kan cin hna. Khor a thuh pe 2 le pe 2 hlat duahmah in kan cin hna i non kan thlak chih,” tiah Surbung airport Special SAE U Naing Win nih a chim.
Japan cherry kung pawl cu airport tower kalnak lam kiang i keh le orh ah siseh, khualtlawng pawl i dinhnak inn pawng le motor chiahnak hmun pawng ah an cin hna.
Cun, far kung 250 cu khualtlawng i dinhnak inn hmai ah an cin hna.
Surbung airport tual chungah Pyilungchanthar kung 3,500, Khar Taw Mi kung 200 le Thawpat kung 200 zong an cin cang.
