28.1 C
Hakha
Thursday, April 15, 2021
- Advertisement -

Ṭial Tharmi

Suu Kyi: Rakhine buainak donghternak caah bawmh kan herh lo

Rampi Ruahnak Petu Pi Aung Sang Suu Kyi nih, “Rakhine state harnak a petu buainak hna hi donghternak caah Myanmar rammi kan bochan hna lai, buainak donghter hi kan techin fapar caah tangka in cawk khawh lomi ro sung asi lai,” tiah a chim.

Ningani ahkhan Nay Pyi Taw ah Rakhine State Hartong Bawmhnak, Ṭhialnak le Ṭhanconak caah Rampi Cawlcanghnak (UEHRD) kum 2 tlin camtuak puai an tuah lio ah atu bantukin a chim hi si.

UEHRD cu President Zung nih 2017 October 17 ah a dirhmi asi.

“Kan hawile nih a kan bawmh caah kan i lawm, cun kan upat hna. Nain minung kan si bang a donghnak ahcun kanmah tu hi kan i bochan a hau. Mah lungput hi kan rammi vialte nih ngei usih ti ka duh.

“Myanmar rammi nih Rakhine buainak hi kan donghter khawh ahcun, kan techin fapar caah tangka in cawk khawh lomi ro sung asi lai.

“Ka tuah khawh lai timi mahlemah-zumhnak kan ngeih ahcun hmailei kan techin fapar caah ro kan chiah khawh lai. Zei tluk harnak fak kan ton zongah, cun kan ram a rum lo i a ṭhawn lo zongah, kan dihlak kan i bawmh cio ahcun mah vialte harnak hna hi kan tei khawh ko lai,” tiah a chim.

Rakhine state ahhin cozah ralkap (Kawl ralkap) nih muslim hriamtlai bu Rakhine Rohingya Khamhnak Ralkap (ARSA) a doh peng caah Muslim Rohingya ting tampi Bangladesh ram ah an zaam.

Ni kum November thla in Rakhine state ah Kawl Ralkap le, kan state na kan serpiak duh lo caah kanmah tein kan i uk lawlaw lai a titu Buddhist hriamtlai bu Rakhine Ralkap (AA) kar ah i kahdohnak a hung chuak ve

Suu Kyi nih, “UEHRD hi Rakhine state ca lawngah kan dirhmi si lo, ram pumpi caah asi,” ati.

Rakhine state cozah hruaitu Vuancichoh U Nyi Pu nih, “kan state chung miphun le biaknak dang kar ah rualremnak lenter dingin fak piin kan i zuam cuahmah,” tiah a chim ve.

“Rakhine state ah daihnak lenter hi usa kan pek bikmi asi, i kan thiamnak dihlak chuah in kan i zuam,” tiah a chim.

Zatlang Zohkhenhnak, Bawmhnak le Ṭhialkamnak Vuanci U Win Myat Aye nih, “Bangladesh phan Rakhine ralzaam pawl kirter kan i zuammi cu voi 2 tiang kan awngmin lo nain, minung 340 hrawng cu anmah lungtho tein an kir cang,” tiah a chim.

“Ni fatin minun 4 lole 5 tete in an rung phan peng. A caan cun minung 15 zongin an rung kir. A rung kirmi pawl cu hmasa an rak um ṭhingnak te ah an um hna. Cheukhat cu chungkhat sinah an i fon. An khua ṭhing ah an inn sak lole hmun dang ah ṭhial hna dingin khua kan khanpiak cuahmah hna.

“Rakhine ralzaam (Rohingya) pawl a rannak in kan kirter khawh hna nak dingah, ASEAN chungtel ram pawl zong nih Myanmar cozah a kan bawmh.

“A biapi bikmi cu thawng thanter hi asi. Hika ah kan tuahmi kong hi va-ral ummi hna sinah thawng kan thanter khawh ahcun, mi tampi an rung kir ko lai. Form kan pekmi hna an phit khawh ahcun, kirter rian kan awt khawh ko lai,” tiah vuanci nih a chim.

Ramdang bu cheukhat nih cun, “Rakhine (Rohingya) ralzaam pawl cu an kir zongah Myanmar cozah nih rammi cohlannak hmatpungtin a pek hna lo caah an him hlei lai lo i an kir lo ṭha deuh,” an ti ve len. — The Myanmar Times

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -