Thailand ram, Mahachai khua ah rian a ttuanmi Myanmar nuva hna nih July 16 ah thanhmi Thai aungbali pakhatnak laksawng Baht 6 million 2 bak an poh.
Myanmar ram tangka in cun ting 5,000 leng a si.
Aungbali 2 paohtu Myanmar nuva hna cu Thailand phan Myanmar rammi bawmtu AAC sinah volunteer in rianttuanmi an si, tiah AAC in Ko Ye Min nih a chim.
“Thailand ram ah Myanmar rammi pawl cu che an poh pah lengmang. Nain, atu bantuk in pakhatnak laksak 2 poh cu a um bal rih lo. An nuva in Myanmar ram tlun an duh rih lo. Thailand ah an um rih hnik,” tiah Ko Ye Min nih a chim.
Myanmar nuva hna cu che number 873286 in pakhatnak laksawng an ngah hi a si i, anmah cu Myanmar ram ah Mon state, Mawlamyine khuami an si.
2019 September 16 zong ah Thailand ram chaklei Chiang Mai khua ah a ummi Myanmar chungkhar 2 nih Baht 6 million che an poh veve.
Thailand phan Myanmar rammi pawl nih aungbali an pohmi tangka pawl cu a himnak hmun ah chiah dingin AAC nih ruahnak a cheuh hna. – 7Day Daily
