13.5 C
Hakha
Thursday, May 6, 2021
- Advertisement -

Ṭial Tharmi

Thantlang peng CNLD zung onnak le mipi he tonnak an tuah lai

Thantlang peng CNLD (Chin National League for Democracy = Chin Miphun Dimokharesi Bu) zung onnak cu a ra laimi August 22 ah Thantlang khua ah an tuah lai.

Thantlang peng CNLD Chairman Pu Lal Maung Cung (MP hlun) nih, “kan pengtlang zung onnak cu Centre hruaitu CEC upa; Pu Zo Zam, Pu No Than Kap, Pu Ngai Sak le Salai Ceu Bik Thawng telh in adang upa hna nih 9am ah a kan tuahpiak lai,” tiah a chim.

“10am in mipi he ram le miphun kong biaruahnak kan tuah lai caah a ra kho paoh ra cio dingin kan in sawm hna,” ati.

Chin party 3; CNDP, CPP le CLD cu 2015 Thimnak ah MP pakhat hmanh an ngah lo hnu ah, anmah ṭanhtu mipi duhnak bangin “Chin Miphun Dimokharesi Bu” timi party khat ah an i fonh.

CNLD cu Rampi Thimnak Zung (UEC) nih July 11 ah hmatpungṭin number 116 in a cohlan cang.

Yangon ah hrambunhmi party cu atu hi Chin state ah pengtlang zung onnak an tuah cuahmah. Thlanglei Chin ram Kanpetlet, Mindat, tbk., ahcun pengtlang zung onnak an tuah cang. Matupi peng CNLD zung onnak cu July 31 ah an tuah i mipi 200 leng nih an telpi hna.

Pu Lal Maung Cung: Meeting Sawmnak

Thantlang peng Chin miphun hawidawt vialte hna le Chin Miphun party chungtel vialte hna, Thantlang peng Chin Miphun party zung nih nan kut kan nin tlaih hna, Pathian nih nan herh ning cio in Thluachuah inpe cio ko hna seh.

Pathian le Chin Mizapi thawng in Chin Party pathum fonh mi Chin Miphun Party (CNLD) cu cozah nih phungning tein hmatpungtin number (116) pek in cohlan a si cang. Cu caah Thantlang peng Chin National League for Democracy (CNLD) zung cu Centre hruaitu CEC upa hna Pu Zo Zam, Pu No Than Kap, Pu Ngai Sak, Salai P P, Salai Sing Thun, Salai Ceu Bik Thawng, Pu Awm Zaw, Pu Chit Maung, Mai Sung Zi Mang, John Khaw Lian Thawng, Salai David hna nih (22.8.2019) nilini zing (9:00) am ah on nak an kan tuah piak lai, cun nazi (10:00) am in mizapi he ton biaruah nak tuah colh a si lai.

CNLD zung on nak le meeting tuah nak ah Thantlang khuachung le khuate a hong kho poah rak kan telpi u law bia rak ngai cio uh tiah miphun min in toidor nak le upat nak he kan nin sawm hna. (TA/DA pek a um lai lo, lakphak ti ,changreu le zanriah dum ti nak a um lai.) 

Lal Maung Cung
Chairman
CNLD, Thantlang peng

CNLD Chairman Pu Zo Zam: 2020 Thimnak ah Chin state ah teinak kan hmuh lai – ka hmet law relchap

- Advertisement -

Ṭial Tharmi

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...
- Advertisement -

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Thawngṭha: US President Biden nih 2021 ah refugee 62,500 a lak hna lai

US President Joe Biden nih, "2021 Budget Kum chungah US nih ralzaam 62,500 kan lak hna lai," tiah May 3 ah bia a chah. President...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -