20.3 C
Hakha
Sunday, April 18, 2021
- Advertisement -

Ṭial Tharmi

Thawngchia: President Trump nih refugee 18,000 lawng a lak lai

US President Trump nih 2019 October 1 in 2020 September 30 tiangah ramdang ralzaam 18,000 lawng kan lak lai, tiin US Hlutdaw (Congress) ah thawng a thanh cang. Ralzaam 18,000 lawng lak ding cu Congress nih a fehter lai maw ti chim khawh asi rih lo.

18,000 chung hmanh ahcun 5,000 cu biaknak ruangah hrem a tongmi caah zuah asi lai, 4,000 cu Iraq ram US ralkap pawl caah thih le thih nun le nun tiin holhleh piaktu pawl caah zuah asi lai i 1,500 cu Central America ralzaam caah zuah asi lai.

A taangmi 7,500 cu US a phan cangmi nih tantakmi chungkhar an auhmi hna le Lahwahkah (DHS) interview a awng cangmi caah asi lai.

Cun, refugee kan lak hna hlan ah US khua cozah sinah ‘ralzaam nan duh maw ti kan hal hmasa hna lai’ i a duhmi khua lawngah kan kuat hna lai, tiah Trump acozah nih ati.

Malaysia le India taang Chinmi caah thawngchia asi

A cunglei ka langhter bangin Trump acozah nih ralzaam 18,000 lak a timhmi hi refugee thar caah pakhat hmanh aa tel lo.

Malaysia le India um Chin ralzaam chungin DHS interview a awng rih lomi paoh cu 2020 dongh tiang kan caah US kal ding ruahchannak a um ti lo.

2020 US President Thimnak ah Donald Trump a sungh lo hoi ahcun 2024 tiang cu ralzaam caah US kalnak a har chin lengmang cang lai.

Ralzaam pawl US kalnak dingah ttuanvo a latu IRC zung zong a lungrawk taktak i fak lak tein cathanh a chuah.

IRC nih, “atu hmanh ahhin vawlei cung ram tampi ah DHS interview a awng cangmi ralzaam 30,000 an um. Mah chungah 9,000 cu US kal dingin ready an si cang, President Trump nih lak ding a timi nakin an tam deuh cang…” tiah cathanh a chuah.

- Advertisement -

Ṭial Tharmi

Sihni Salai Dawt Cung Lian inn ah gas a puak i a nunnak liam

Sihni Salai Dawt Cung Lian cu an inn ah gas a puak i a nunnak liam tiah kan theih. An nih hi Mandalay ah ralkap...

Yangon ah bomb a puak i ralkap 3 hliam tong

Nizaan ahkhan Yangon ah bomb tam ngai a puak i ralhrang Myanmar ralkap a tlawmbik 3 paoh hliam an tong, tiah The Irrawaddy media...

Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko. Thil thar sertu le sipuaizi thlengtu pawl he...
- Advertisement -

Apoi tuk: Min Aung Hlaing cu ASEAN Meeting a kai lai

Uknak firtu Myanmar ralkap bawizik Min Aung Hlaing cu April 24 ah tuah ding ASEAN meeting ah an sawm ve caah Indonesia a tlawng...

Thawngtha: US Senator 10 nih Myanmar ralkap Rohingya thahnawnnak hlat dingin upadi hran chuahpi

US Hluttaw Sang MP (Senator) 10 nih, Myanmar ralkap nih Rohingya a thahnawnmi hna kha 'miphun cihmih' asi le silo hlat dingin Hluttaw Sang...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -