Chin state, Paletwa peng ah Internet a ngah cang tiah kan theih. Thawngpang ttha a si. Zahan zaan sml 11pm hrawng ah a ngah an ti.
“Aug 1, 2020 zaan sml 11pm hrawng ah Internet cu a ngah tthan. Nain, line a chia tuk. Atu tiang ahcun 2G lawng ngah rih. Line a um chel, tlau chel tiin a duh ning paoh in a um,” tiah Paletwa khuami pakhat nih a chim.
Internet cu a ngah cang nain line a tthat lo ruangah Messenger call cu a chei lo i cakuat lawng a ngah ti a si.
Chin state cozah lei biachimtu Sipin Vuanci U Soe Htet nih,”atu tiang cu internet a ngah rih ko. Keimah zong online ka zoh hnu lawngin cu thawngpang cu ka hmuh.
“Atu hi kei khual ka tlawn lio a si. Rampi cozah nih buainak a dai deuh cang tiin a ruah caah a onpiak hna hi si men lai,” tiah a chim.
AA le cozah ralkap i kahdohnak ruangah himnak caah tiin Paletwa peng ah internet phihpiak an si i kum 1 leng hnu ah an onpiak tthan hna hi a si. – Chin World
