14.1 C
Hakha
Sunday, May 9, 2021
- Advertisement -

Ṭial Tharmi

The Rock le a Chungkhar COVID-19 in an Dam Cang

“The Rock” tiin zapi nih kan theihmi minta Dwayne Johnson (kum 48), a nupi Lauren (kum 35) le an fanu hniang 2 cu COVID-19 zawtnak an rak ngei ve nain an dam cang.

Tuni September 3 ah The Rock nih Instagram ah minute 11 a saumi video in an rak zawtnak kong cu a phuan.

“COVID-19 cu hma nganpi tuar le inn chuah ton te hna he cun aa dang tuk,” tiah a chim. The Rock hi a ngakhciat lio ah a nulepa an sifak tuk i inn chuah an rak tong lengmang.

“Ka fanu hniang 2; Jasmine, kum 4 le Tiana, kum 2 cu fak tukin an zaw lo. Zawt hmelchunhnak a simi hrom fah ti hrawng lawng an tuar. Kei le kan nu balte cu fak tuk in kan zaw,” ati.

Vanṭhat ah The Rock le a chungkhar cu zarh 3 chung an zawt hnu ah an dam cang. “Atu cu kan dam cang, mi kan chawn kho ti hna lo. COVID-19 kan pah khawh i kan ṭhawn deuh pinah kan ngandam chin,” tiah a chim.

“Atu cu kan vanṭha tuk ti lawng hi kan chim khawhmi asi. Zaangfahnak a ngei lomi le a puarhrangmi mah virus ruang ahhin ka hawikom ṭhabik cheukhat cu an nulepa le an dawtmi an sung hna,” ati.

The Rock nih COVID-19 zawtnak an i ku ning a chim.

“Kan i neihniam ngaimi kan hawikom chungkhar sin in COVID-19 zawtnak kan i ku. Kan dawt i kan zumhmi hna an si. Atu zong kan dawt i kan zumh peng rih ko hna. Anmah zong zawtnak an rak ngeih cu an lungkuai tuk hringhran. Khuazei in dah kan i ku ti an hngal lo. Kan chungkhar a kan chawnh cu an lungrawk tuk ve. Vanṭhat ah midang chawnh ti loin kan donghter khawh,” ati.

Mintapa nih cun pulrai aa thok cangka in amah he a chungkhar he an him khawhnak hnga asi khawh chungin aa zuamnak kong zong a chim.

“Ka chungkhar, hawikom le ka dawtmi hna an ngandamnak kong ahhin cun khuaruahhar in aa ralringmi ka si. March thla ah lockdown an tuah thok in zaw lo ding tein kan i zuam i ralring tein kan um peng. Adang tein kan um. Rian zong ka ṭuan lo. Keimah cang cun ka ralring bak tiin ka ruah,” ati.

The Rock nih hawikom chungkhar he i lenkai hlan ah COVID-19 ngeih/lo i test hmasa ding bak si, ati.

“Nan i lenkai hlan ah test ter hmasa hna uh. Zawtnak an ngeih ahcun, tong hna hlah uh. An ngeih lo si le i lengkai ko uh,” ati.

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -