The Voice Myanmar Season 3 hlasak zuamnak ah Chinpa Salai T Lian, kum 30 zong aa zuam ve tiah kan theih. Kalaymyo in aa zuammi a si.
September 13 ah Blind Audition a rak i zuam lio video cu The Voice Myanmar nih a tar. An nih hi judge R Zar Ni nih a thim caah R Zar Ni Team a si lai.
An nih hi zuamnak a luh hlan ah Lai hla tampi a sa cangmi le Eain Mat Sone Yar hlasak zuamnak zong ah aa zuam bal cangmi a si. Tha pe cio hna usih.
The Voice Myanmar hlasak zuamnak cu atu kum he cun kum 3nk an tuah si cang lai i kum fatin Laimi an i zuam kho ve.
Kan theih khawhmi ah Season 1 ah Ce Ce (Mara), Season 2 ah Nicholas Pasangma le atu kum ah Salai T Lian hna an si.
The Voice Myanmar Season 3 winner laksawng cu kyat ting 200 a si lai. Cun, FG entertainment he Solo album chuahpiak a si lai pinah MG (Morris Garages) i motor thar te pakhat pek chih a si lai.
The Voice Myanmar Season 1 cu Ngwe Soe nih a co. Season 2 cu Novem Htoo nih a co.
