21.3 C
Hakha
Thursday, April 15, 2021
- Advertisement -

Ṭial Tharmi

The X Factor Denmark ah hlasak aa zuam liomi Chin tlangval Ram Uk

Denmark ram ah a um Chin pa tlangval Ram Uk cu atu hi The X Factor Denmark ah hlasak aa zuam lio a si tiah kan theih. Thazaang pe cio hna usih. A Facebook min ah RamUk San Tung ti a si lai.

Matupi khuami tlangval Ram Uk cu Mirang hla, Kawl hla le Lai hla sak thiammi a si. A nih hi Kawlrammi chungin The X Factor Denmark ah avoi khatnak bik tuanbia ttialtu a si lai.

Hi kong he pehtlai in Lian Chin Thang nih a tanglei bantuk in ca a ttial.

Danmark ram khua Lai hritlai hna thawngtha he nan rak dam cio hna maw? Pathian nih amah sunparnak caah inhmang chin ko hna seh!

Tutan thawngthanh kan rak in duhmi hna cu Danmark ram ah Mirang hla, Kawl hla le Lai hla a sa khomi hlasak thiam kan i ngeih chun tlangval RamUk cu The X Factor Denmark ah hlasak aa zuam lio a si.

Avoi khatnak cu tlamtling tein aa lim cang tiah thawng kan theih. Tu zong hi avoi hnihnak a biapi tukmi a rauhlan ah a sa ding asi caah thazaang pe cio hna usih tiah kan rak in sawm hna. Lai pasal tha asi. Hi tiang dir hmun an phak tertu Pathian cung ah kan i lawm i, Ram Uk na cung zong ah lawmhnak bia kan chim.

A tang rihmi na caan chung zong ah teinak he kar kan hlanpiak hram ko. Dawtmi Lai hritlai hna Ram Uk nih cun thazaang a rak ka pe duhmi paoh Transport keimah nih ka rin dih hna lai a ti. CCDK chung kan mino hna, Lai thuam, Kawlthuam he zulh in thazaang pe kho tu nan um ahcun amah Ram Uk sin ah thawngthanh khawh rak i zuam hram u.

October thla chung ah asi lai. Ahmuntu cu X Factor Company rianttuan pawl he i ceih hnu ah Århus silole København ah a si te lai.

Cun abik in Fyn Region chungin Miphun hawi nih telpi khawh rak kan zuampiak ulaw lawmh um tuk hnga. Thlacamnak zong in bawm cio hna usih.

Nan zapi upatnak he,
Lian Chin Thang

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -