16.4 C
Hakha
Thursday, April 15, 2021
- Advertisement -

Ṭial Tharmi

Trump Tower hmai lam cu “Black Lives Matter” tiin sii an thuh

New York City khua cozah nih Manhattan sang um ‘Fifth Avenue’ tiin auhmi Trump Tower hmai lampi cu Nilini zingka ah “Black Lives Matter” tiin sii aihre a thuh, a ṭial.

Trump Tower cu Pu Trump president a ṭuan hlan ah a chungkhar he an umnak inn zong asi pinah a company “Trump Organization” headquarters zong asi.

New York City khuabawi Pu Bill de Blasio nih thuhnak nawl a pek hna caah an thuhmi asi. Khuabawipa zong cu mask aa hruk i sii thuh aa thawh ve. A baan aa hlim i tlawmpal a thuh ve. Rev. Al Sharpton zong a thuh ve.

Khuabawi pa nih “Trump nih Fifth Avenue limhang nan zorter lai a kan ti. Kaan chim hna lai: zei limhang hmanh kan zorter lo, Fifth Avenue luatnak kan pek, Fifth Avenue kan cawisan,” tiah a chim.

“Mah khua a sertu, mah ram a sertu hi hohmanh nih theihpi le conglawmh a tong bal lo.”

“‘Black Lives Matter’ kan vun ti ahcun, hi nakin a tling deuhmi American bia a um ti lo, a tling deuhmi ram dawtnak bia a um ti lo, zeica tiah Black America lo cun American a um lo. Black Lives Matter ti kan chim thawng hin thil diklo kha thil dik ah kan canter,” tiah a chimchap.

Khuabawi pa nih ‘Black Lives Matter’ sii an thuh lio hmanthlak cu Twitter ah a tar i “kan khua nih Fifth Avenue lam sii kan thuh sawhsawhmi asi lo. Kan thuhmi bia a sullam hi kan i nunpi. Minak Nunnak a Biapi (Black Lives Matter),” tiin ca a ṭial chih.

New York City khuabawi pa nih Twitter ah a tarmi

Trump Tower hmai lampi “Black Lives Matter” tiin sii thuh an timhnak kong cu New York City khua cozah nih tu thla thokka ah thawng a rak thanh cang.

Mah lio cun President Trump nih, “‘Black Lives Matter’ cu huat hmelchunhnak asi. Khuabawi nih a thlanglamh, a huat i a upat hna lomi, mi ṭanh le thleidan a ngei lomi kan palek tal nih mah hmelchunhnak hi New York lam ṭha bikah umter lo dingin kham hna sehlaw ṭha hnga. Sii thuhnak caah a dihmi tangka hi misual dohnak caah hmang sehlaw ṭha deuh lai,” a rak ti.

US khualipi Washington DC um President Zung (White House) pawng lam zong “Black Lives Matter” tiin sii an thuh cang.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -