Tuni, July 21 in Hakha High School pali (No.1, No.2, No.3 le No.4) ah sianginn kai le cacawn an thok cang, tiah kan theih.
An kaitermi hna cu sahnit haung (system hlun) Grade 11 le system thar Grade 10 lawng an si rih. Cataang dang an kaiter rih hna lo.
Cacawn ning cu cataang hoih in siangngakchia a phuphu in an ṭhen hna. Phu 1nak kha ni 7 chung ca an cawn hnu ah phu 2nak kha a hnu ni 7 chung ca an cawng lai.
Ni 1 ah cacawn caan/ching 5 a um lai.
Cacawn thok hlan ah siangngakchia pawl cu siannginn kutka hram ah saya/ma nih pe 6 hlat in an dirter hna i an taklinh an tah hna. Kut an ṭawl ter hna.
Sianginn khan chungah siangngakchia he saya/ma he mask le face Shield an i hruk dih pinah pe 6 hlat in an um hna.
Cacawn dih tik zongah rikhiahmi pe 6 hlat in an i ṭansi i an chuak hna.
Siangngakchia hlun pawl cu July 13 in 17 tiang kha sianginn luhnak form cawk le ap asi. Mah hnu ah tuni inn sianginn kai an thok hi si.
Siangngakchia thar cu an cohlang rih hna lo. Cohlan ve hna dingin timhtuahnak an ngeih lio asi.
