Tuni Augusts 16, 2020 ah Malaysia ah Covid-19 zawtnak ngeimi 25 an hmuhchap hna i zawtnak ngei hmuhmi dihlak 9,200 an si cang.
Malaysia Ngandamnak Vuanci Zung director-general Datuk Dr Noor Hisham Abdullah nih “Covid-19 mizaw thar hmuhmi lakah 16 cu ramdang in a rung tlungmi an si i 9 hi ramchungah aa chawnmi an si,” tiah tuni ah a chim.
Malaysia ramchungah zawtnak ngei hmuhmi 9 lakah 7 cu Malaysia rammi an si, 2 hi ramdangmi an si.
“Ramchung ah zawtnak aa chawnmi Malaysia rammi 7 lakah 5 cu Kedah i Covid-19 mizaw tampi hmuhnak Tawar he aa pehtlaimi an si.
“Pakhat cu Queen Elizabeth sizung ah surgery tuah lai ah Covid-19 aa testmi a si. Kota Kinabalu ah 1 le Tawar in aa chawnmi Penang ah 1 hmuh a si” tiah Dr Noor Hisham nih a chim.
Tuni ah Covid-19 in a dam i sizung in ttin termi 28 an si. Malaysia ram ah Covid-19 a um ka in nihin tiang a dammi 8,859 an si cang.
Cun, atu hi Malaysia ramchung sizung pawl ah Covid-19 zawtnak in a zaw liomi 216 an um.
Tuni ah Covid-19 in a thimi an um lo. A thimi cazin 125 ning a si. – The Star
