Tuni ah COVID-19 mizaw thar 47 kan hmuh hna, tiah Malaysia Ngandamnak Vuanci Zung nih a thanh.
47 chungah 2 cu ramdang in a rami an si i a taangmi cu ramchung ah aa chawnmi lawngte an si. Ram chung aa chawnmi lakah 28 cu rammi an si i 17 cu ramdangmi an si.
31 cu Sabah state ah ummi an si. 14 cu Kedah state ummi an si. 13 cu Kedah state i Sungai mizaw bu he aa pehtlaimi an si.
Ramdang in a rami mizaw 2 cu Maldivess le Morocco inn a rami an si.
Zawtnak aa thokka in atutiang mizaw hmuhmi dihlak 9,915 an si cang. Nain tam deuh (9,196) cu an dam cang.
Tuni a thimi an um lo. Zawtnak aa thokka in atutiang a thimi dihlak 128 an si peng rih ko.
Atu hi sizung ah mizaw 591 an um lio asi. 9 cu a zualmi zohkhenhnak (ICU) ah an chiah hna. 4 cu thawpeknak seh an bunh hna.
