July 27 ah Malaysia ram ah Covid-19 zawtnak ngeimi 7 an hmuhchap hna. Naihrawng cu mizaw thar hi nifatin ngawt in 10 cung an si peng nain tuni ah number lung 1 lawng a si tthan.
Malaysia ram pumpi ah Covid-19 zawtnak ngei hmuhmi dihlak 8,904 an si cang.
“Zawtnak ngei hmuhmi lakah 4 cu ramdang in a rung tlungmi an si, Malaysia rammi 3 le Malaysia rammi he aa ummi 1 an si,” tiah Ngandamnak Vuanci Zung i director-general Datuk Dr Noor Hisham Abdullah nih tuni ah a chim.
Pakistan, Russia, Australia le Indonesia ram in a rung tlungmi an si hna.
“A tangmi 3 cu Malaysia ram chung, Sabah state ah zawtnak aa chawnmi an si hna. An dihlak in operation tuah lai ah Covid-19 aa testmi an si,” tiah Dr Noor Hisham nih a chim.
Tuni ah Covid-19 in a dam i sizung in ttintermi pakhat a si. Sizung ah covid-19 in a zaw liomi mizaw 179 an si.
Atu liote cu mizaw zual zohkhenhnak (ICU) ah a ummi an um lo pinah Covid-19 in a thimi an um lo. – NST
