Tuni Malaysia ah Covid-19 zawtnak ngeimi 8 an hmuhchap hna i, zawtnak ngei hmuhmi dihlak 8,704 an si cang.
Malaysia Ngandamnak Zung lutlai Datuk Dr Noor Hisham Abdullah nih,”mizaw 4 cu ramdang in a rung tlungmi an si. Ramdang an um lio ah zawtnak ngeimi an si,” tiah tuni ah a chim.
A dang mizaw 4 cu Malaysia ramchung ah aa chawnmi an si i Malaysia rammi 2 le ramdangmi 2 an si.
“Atu hi mizaw zual zohkhenhnak khan (ICU) ah mizaw 3 an um. Mizaw 2 cu an zual deuh caah ventilator bunhpiak an si.
“Tuni ah Covid-19 in a thimi 1 a um. Atu tiang kan ram ah Covid-19 in a thimi 122 an si,” tiah Dr Noor Hisham nih a chim.
Tuni ah a thimi Covid-19 mizaw cu kum 72 pa a si. Thikai le zunthlum zawtnak a ngeimi a si. Mizaw pa cu a phunphun in a zawtnak aa thlop hnu ah July 9 ah private sizung ah a kal.
Sizung nih Covid-19 a ngei kho men tiin an lunghrinh caah Umum Sarawak sizung ah an tthialtermi a si.
Tuni ah Covid-19 in a dam i sizung ttintermi 4 an si. Malaysia ah Covid-19 in a dammi 8,515 an si cang.
Malaysia ramchung sizung pawl ah Covid-19 in a zaw liomi mizaw 67 an um. – The Star
