Tuni ah COVID-19 mizaw thar 8 kan hmuh hna, tiah Malaysia Ngandamnak Vuanci Zung nih a thanh.
A dam cangmi le thimi telh in atutiang zawtnak ngei hmuhmi dihlak 9,257 an si cang.
Mizaw thar 8 lakah 3 cu ramdang in a rung lutmi an si. 5 cu ram chungah aa chawnmi an si, tiah Ngandamnak director-general (hmanthlak) nih a chim.
Ramdang in a lutmi 3 cu Malaysia rammi 1 le ramdangmi 2 an si.
Ramchung ah aa chawnmi cu Kedah state ah a ummi an si i hmasa ah kan rak hmuhmi COVID-19 mizaw pawl he aa pehtlaimi an si, ati.
Atu lio hi mizaw 183 an um. Mah lakah 8 cu mizaw zual zohkhenhnak (ICU) ah an chiah hna.
Tuni ah mizaw 4 an dam i sizung in an ṭinter hna. A dammi dihlak 8,949 an si cang.
A thi tharmi an um lo. Zawtnak aa thokka in atutiang a thimi dihlak 125 an si rih ko. — The Star
