16.9 C
Hakha
Thursday, April 15, 2021
- Advertisement -

Ṭial Tharmi

Tuzaan Myanmar Idol ah Wild Card in aho dah a rak kir tthan lai

Tuzaan cu Myanmar Idol hlasak zuamnak in a chuak cangmi pawl i an fan pawl caah thin a tur ko.

Myanmar Idol nih a tuah tawn bang Top 4 level phak tikah top 11 chungin a tla cangmi minung 7 lakah 1 kha Wild Card in auh tthan khawhnak a si. Cu auh tthannak cu mipi nih vote pek in thim a si.

Myanmar Idol nih Wild Card caah vote peknak cu a luancia zarh zuamnak dih ah a tuah i Facebook account pakhat nih vote pakhat pek khawh a si. Cucaah, mipi nih anmah le uar ciomi kha kir tthan dingin vote an pek hna.

‘Channel 9 Wild Card in mipi hmai ah aho dah a rak kir tthan lai’ tiin December 14 ah Myanmar Idol nih a Official Facebook page ah vote pek ning kong a langhtermi ah comment a thongthong a um. Comment ahcun, naite ah a tlami Yaw Kee le Tan Khun Kyaw ttanhtu an tambik.

Myanmar Idol in a tla cangmi pawl nih December 14 zaan ahkhan i zuam tthan khawhnak caanttha voi 1 hmuh an duh rihnak kong cu an Facebook cahmai ah an ttial len hna.

Tan Khun Kyaw hi top 11 chung ah a thiam lei a si ve nain top 8 level ah ruahlo tuk in a tla. Audition aa zuam ka in mipi nih uar ngaimi a si pinah ruahlo tuk in a tlak tikah mi tampi nih an theih khun i amah hi Wild Card in a kir khomi pakhat a si.

Cun, naite ah a tlami Yaw Kee zong hi zarh khat hnu zarh khat mipi thapeknak tam chinchin a hmumi a si i a kir khomi a si ve.

A muisam le a pumrua aa zaa ngaimi Nay Lin Kyaw cu Facebook minthang Nyi Nyi Maung le hawile pawl tiang nih vote an pek ve caah amah zong hi a rak kir khomi a si ve.

Cu caah, a tlangpi in chim ahcun a tla cangmi chungah nu nak in pa pawl hi Wild Card hmuh dingin si khawhnak lam a tam deuh.

Myanmar Idol season 1 ahhan Wild Card in nu a rak kir. Season 2 le season 3 ahcun Wild Card in a kir tthanmi hi pa an rak si.

Tuzaan hi top 4 le Wild Card winner pawl cu hla fung cio in an i zuam lai. Anmah 5 chungah minung 3 cu Grand final ah an kai lai. – 7Day Daily

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -