15.3 C
Hakha
Thursday, April 22, 2021
- Advertisement -

Ṭial Tharmi

U Soe Htet te cu Paletwa ah an kah hna caah an kir ngam rihlo

Chin state thlanglei, Paletwa peng ah a ummi ralzaam hna bawmh ah a kalmi Chin state sipin vuanci U Soe Htet le cozah rianttuaan pawl cu an him lo ruangah atu hi Paletwa in an kir kho rih lo.

Vuanci U Soe Htet le cozah rianttuan minung 11 cu ralzaam chungkhar 1,000 leng dineiawk le tangka bawmhnak pek ah September 5 ahkhan Paletwa khua an phan.

September 9 zaanlei ah Hakha ah tlung dingin Paletwa khua in Kaladan tiva an tan i khat lei ral an phan cang nain AA nih bomb le meithal in an kah hna ruangah Paletwa lei ah an kir tthan.

U Soe Htet nih, “Atu hi Paletwa ah kan um lio si ko. Paletwa in kir kho dingin kan khan cuahmah lio a si. Kan himnak dingah biatak tein kan i ralring” tiah a chim.

An kahmi hna ruangah hliam tongmi hohmanh an umlo nain U Soe Htet nih AA nih an kan kah hramhrammi a si tiah a chim.

“Kanmah a kan kah hramhram mi a si. Kan phak ahhin a kan duhtu zong an um i a kan duh lomi zong an um. Paletwa khua ah ralzaam chungkhar 1,000 leng an um i chungkhar 1 ah Kyats 40,000 in cozah nih bawmhnak a pek hna. Ralzaam hna cu an i lawm nain khat lei bu hna nih kan ratmi hi an duh lo zong si kho” tiah U Soe Htet nih a chim.

Ralkap lei biachimtu ralbawi Zaw Min Tun nih, “September 9 ah AA nih Paletwa peng ah a ummi ralkap sakhan pakhat cu chun sml 1pm hrawng ah miakpi in a kah,” tiah a chim.

“U Soe Htet cu a himnak hmun ah a um ko. Amah an kahmi si lo. Seh lawng an i cit lio i a kan kah a timi cu AA nih ralkap an kahmi hna a si. Seh lawng an i cit liote he aa tong i a si” tiah ralbawi Zaw Min Tun nih a chim.

Paletwa peng ah Kawl ralkap le AA kar i kah ning a linsat lio si pin ah AA nih U Soe Htet cu ralkap hlun pakhat a si caah AA kongah a diklo ningin media sinah a chim i ralkap a ttanh hna tiin a puh pah lengmang.

Vuanci U Soe Htet cu November 8 thimnak ah NLD party in Paletwa peng Pyine Hluttaw No.1 MP aa cuh ding a si.

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -