26.9 C
Hakha
Friday, May 7, 2021
- Advertisement -

Ṭial Tharmi

UNHCR: 2013 card chuhmi Chin ralzaam 16,000 kong kan zoh than lai

UNHCR Malaysia lutlai Thomas nih, “2013 card aa tlaihmi Chin ralzaam 16,000 zongzong card chuh an tonmi cu ka hngalh ṭung lo. Mi tlawmte lawng chuh an tong rua tiin pei ka ruah cu. Mah zatzat minung chuh an ton ahcun kan zoh ṭhan tuah lai,” tiah Chin ralzaam bu (ICC) hruaitu pawl he an i ton lio ah a chim.

“Nan pengtlang cio ah va chim hna uh ti ka duhmi cu, ram thumnak kal ding lawng ruat hna hlah seh. Malaysia zongah ṭha tein um khawh i zuam hna seh.

“Nan theih cio bangin, US nih ralzaam tlawm parek te lawng a lak cang. Mah ruang cun, hmailei ah Malaysia cozah nih ralzaam pawl rianṭuannak nawl a kan pek pingpang ahcun, Malaysia ah rian ṭha te ṭuan khawhte dingin i zuam hna seh,” tiah Thomas nih bia siaherh a beuh hna.

Cun, Thomas nih, “atu hi phone kan chawnh khawh lomi Chin chungkhar 400 leng an um. Chungkhar aa benh ding an si. Cun, mithar 350 zong an phone kan chawn kho hna lo,” tiah a chim.

Paletwa peng AA le Kawl ralkap i kah ruangah Paletwa pengin Chin ralzaam thar 1,500 Malaysia an phan cang. Mah zong cu UN card pe hna, tiah ICC hruaitu nih an hal.

Thomas nih, “UN card pek dingin zungah ca voi tampi rak ap lengmang hau ti lo dingin internet in mah tein UN card soknak kan in tuahpiak te hna lai. Chinmi lawng si loin ralzaam le himnak kawltu paohpaoh nih sok khawh asi te lai. Tu kum ah kan tuah khawh lo hmanh ah hmai kum ahcun kan tuah khawh ko lai,” tiah a leh hna.

October 9, 2019 ah Malaysia Chin ralzaam bu 5 komh (ICC) hruaitu pawl nih UNHCR hruaitu Thomas an ton lio ah an hal i Thomas nih a lehmi hna asi.

ICC upa an i manh lo ruangah atu lawng zapi sinah thawng an thanh khawh.

UNHCR nih mithar lak a timh – hmet law rel khawh si

Malaysia UNHCR nih tlaihkhih kongah a chimmi

UNHCR catlap kha card in thlenpiak dingin kan i zuam, MyRC card sok hlah uh

- Advertisement -

Ṭial Tharmi

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...
- Advertisement -

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Thawngṭha: US President Biden nih 2021 ah refugee 62,500 a lak hna lai

US President Joe Biden nih, "2021 Budget Kum chungah US nih ralzaam 62,500 kan lak hna lai," tiah May 3 ah bia a chah. President...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -