28.1 C
Hakha
Thursday, April 15, 2021
- Advertisement -

Ṭial Tharmi

UNHCR Malaysia phone number thlen ning

Kuala Lumpur — Liamcia kum tlawmpal chung cu UNHCR RST/DSU zung nih Chin ralzaam a kan chawnh theng lo caah a kan chawn ti bal lai lo tiin ahopaoh phone number thar pek kan daithlang cio.

October 9 ah Chin ralzaam bu 5 komh (ICC) hruaitu pawl nih UNHCR Malaysia lutlai Mr. Thomas an ton tikah “Chin chungkhar phone kan chawnh khawh hna lomi 400 an um. Pumpak kan chawnh khawh lomi 350 an um,” tiah a chimh hna.

“UNHCR zungah phone number an rak pekmi an i tlaih ti rua lo. Adang an i thleng cang rua. An phone number thar rak pe hna seh…,” ati.

Na phone number thleng dingin rian khunh hal le ni hlawh thlau tangka tampi dih in UNHCR zung ah kal a hau ti lo. Na umnak hmun in Phone SMS cakuat in fawi tein thlen khawh asi cang.

SMS cakuat in UNHCR pekmi phone number thlen ning

1nak ah, na UNHCR card lole catlap chuah law atang hmanthlak i fei asenmi in kan sawhmi “Case Number” le “Individual Number” hi zoh.

2nak ah, na phone cakuatnak ahkhan: PHONE<hlat>Case number<hlat>Individual number<hlat>Na phone number thar tial law 0111 7225 222 ah kua.

Mah hmanthlak bantuk hin na tial ko lai cuh

3nak ah, Mirangca in “RM0.00 na phone number thar UNHCR Malaysia sinah na kuat caah kan i lawm, na kuatmi a tlamtlin/lo cu ni 7 chungah thawng kan in thanh lai” timi an in kuat lai. Atang hmanthlak bantuk hi.

4nak ah, na phone number thar na kuatmi cu tlamtling tein an in khumhpiak cangka in SMS in ca an in kuat lai. Atanglei hmanthlak bantuk hi.

• Ni 7 chungah acung hmanthlak bantukin ca an in kuat lo ahcun 2nak bantuk khan na kuat ṭhan hna lai.

Biahalnak le Lehnak Pawl

Hal: Phone number pakhat leng kuat khawh asi maw?

Leh: Si, phone number pakhat leng kuat khawh asi ko, nain voi 1 kuat ah phone number 1 lawng kuat a ngah caah voi 2 nai nolh a hau lai.

Hal: Zei ruang dah nan sin in avoi 1nk cakuat ka don lo?

Leh: Na kuat cangka in avoi 1nak cakuat na don lo ahcun kua tthan. Nai palh caah asi lai.

Hal: Ka phone number thar ka kuatmi nan hmuh tikah phone nan ka chawn lai maw?

Leh: Aih, SMS in thawng kan in thanhte lai.

Hal: Tangka zeizat dah aa ka cik lai?

Leh: Na hawile SMS na kuat tawn i na simcard company nih punghman in an cikmi zat kha si ko lai.

Hal: Phone number thar kuat man cu UNHCR nih tangka aa ka cik ve lai lo maw?

Leh: Cik hlah. UNHCR nih tuahpiakmi paoh cu free lawngte si.

Hal: Phun dang in ka phone number thar pek khawh asi maw?

Leh: Si, UNHCR counter ah rak pek khawh asi, lole UNHCR interview na phit lio ah pek khawh asi.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -