US ram, Kansas City ah ummi tlangval Bawi Uk Ceu, kum 44 cu ni tlawmpal chung a pawfah hnu, April 9 ah ruah lo piin a nunnak liam, tiah kan theih.
Nihnihni hrawng khan ka paw fakpah ati nain nizaan tihni ahkhan a dam deuh ati caah sizung ah kal loin a um. A naule cu rian an ṭuan. A nau fale 3 he inn ah an um.
April 9 zing ah a nau fale cu breakfast a chuanpiak hna i a pek hna. Amah caah coffee a ser i a din hlan ah inn tangah a ṭum i zunput chungah a ṭhu.
A rak kai bal lo caah a nau fale nih an va zoh cu aa hngilhmi ah an ruah.
Thaithawh ei za hrawngah an va zohṭhan tikah amah ning te cun an va hmuh ṭhan. Zunput chung asi caah an tawng ngam lo.
Zaanlei ah an nulepa rian an ṭin in an chimh hna i an va zoh tik ahcun chun hrawngah rak thih cang dawh asi.
Zungput chungah a ṭhut bu tein a thaw dih. A ruak an lak cu zaanlei 4pm hrawngah asi.
Bawi Uk Ceu hi Thantlang khua ah a rak chuakmi si.
Thlanhmun le a hnubik thlah pumhpinak kong cu aa fiang rih lo. Cozah nih a onh hna ningin cawlcangh asi te lai.
