15.3 C
Hakha
Thursday, April 22, 2021
- Advertisement -

Ṭial Tharmi

US ah ‘Laura Thlichia’ nih Minung 4 a Thah Hna

US ram Texas state nichuahlei khua pawl le Louisiana state thlanglei khua pawl cu a pin taktakmi category 4 thlichia nih a den i mah ca kan ṭial lio tiangah minung 4 a thah cang hna.

Category 4 thlichia cu a fakbik Category 5 changtu asi. 2008 ah Myanmar ram ah minung ting 1 le thong 30 leng (138,373) a thattu Nargis Thlichia kha Category 3 (suimilaam 1 meng 120 rang) lawng asi.

Inn cungcih tampi a hawh dih i vaampang zong tampi a bauh viar pinah mei tung le hri tampi a hrawh caah inn ting tampi cu atu mei loin khua an sa.

Thlichia cu “Hurricane Laura (Laura Thlichia)” tiin min an bunh. Zaanṭim 1am hrawnngah suimilaam 1 meng 150 rang in Louisiana thlanglei le Texas nichuahthlanglei khua pawl a den hna.

Lakes Charles khua um chemical sehzung a kaang

Mah ca kan ṭial lio hi Louisiana state ahcun Nilini zaanlei 2pm asi. Atu cu a neem deuh cang, suimilaam 1 meng 65 rang in a hran liopi asi.

Thlichia nih a tlak hmasa bikmi Louisiana state Lake Charles khua cu a rawkralmi in a khat dih. An khua um sehzung nganpi pakhat zong a kaang i van lei ah meikhu khat lulh a kai thluahmah.

Louisiana state cozah lutlai (governor) nih, “a kaangmi hi chemical sehzung asi. Zei ruang dah a kangh ti cu kan hngal kho rih lo,” tiah a thanh.

Lake Charles khua ah sammehnak dawr ciam dihlak in a rawk

“Kan ruah ning tluk fak in cun rawhralnak kan tong hraw lo nain a rawkralmi cu a tam chiahru ṭhiamṭhiam ko,” tiah Louisiana governor John Bel Edwards nih a chim.

“Mitlau kawl le khamhtu minung 1,500 leng, tilawng le ti tan kho mawṭaw 400 leng cu mitlau an kawl cuahmah hna lio asi.

“Louisiana state ah thlichia nih minung 4 a thah cang hna. 3 cu thingkung nih inn a tluk hnawh caah an thi. Vernon Parish ah kum 14 ngakchia nute a thi, Jackson Parish ah mipa pakhat a thi, Acadia Parish ah kum 60 tarpa a thi,” ati.

Lake Charles khua mei tung le hri a hrawhmi

Texas state nichuahlei um Beaumont, Port Arthur le Orange area pawl ah mikhamhtu pawl nih mitlau an kawl cuahmah hna lio asi, tiah Texas state cozah lutlai governor Greg Abbott nih a thanh ve.

“Thlichia nih a den ding khuami tampi kan ṭhial cia hna caah thihnak chungin an luat,” ati.

Laura Thlichia hi liamcia kum 160 chungah Louisiana state a dengmi thlichia vialte lakah a fak bikmi asi.

Texas state i Sabine Pass ah tilian a tlungmi

Texas le Louisiana state ah inn ting 8 (800,000) hrawng cu mei a mit dih cikcek.

Laura Thlichia cu chaklei panh in a kal cuahmah lio asi i ni tlawmpal chung cu ruahpi tuk taktak a sur ter chih lai i tilian fakpi a tlung lai. — CNN

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -