15.3 C
Hakha
Thursday, April 22, 2021
- Advertisement -

Ṭial Tharmi

US ah Ni 1 te ah Covid-19 mizaw 63,643 an hmuh hna, a thimi 700 leng

Nizaan ni 1 chungah US ah Covid-19 mizaw thar 63,643 bak an hmuh hna. A thimi 774 an si.

US cu vawlei cungah Covid-19 mizaw le mithi an tambiknak ram asi. Zawtnak aa chawnmi ting 30 leng (3.18 million) an si cang, mah chungah ting 1 le thong 33 leng (133,969) an thi cang.

A thimi hi Hakha khuami dihlak, Falam khuami dihlak, Matupi le Thantlang khuami dihlak fonh nakin an tam deuh cang.

Nizaan tihni Nilini zong kha mizaw thar 65,551 bak an hmuh hna. Hiti ning te cun a thimi zong an tam tuk te lai, tiah mifim thiam pawl an thinphang.

June thla dongh lai in atutiang hi Laimi tam taktak kan umnak Texas state le Florida state ah mizaw an karh tuk caah thinphan dai lo asi.

“US ram hi ramdang he tahchun ahcun, COVID-19 pulrai kan do kho hrimhrim lo,” tiah Chawnh Khawhmi Zawtnak Khamnak US Cozah Zung lutlai Dr. Anthony Fauci nih a chim.

Mah ruangah, President Donald Trump nih Dr. Fauci cu a hlih. “Dr. Fauci cu miṭha asi ko, nain aa palhmi tamtuk” ati.

US nih atutiang COVID-19 pulrai a control khawh lo ruangah mi tampi nih President Trump an mawhchiat tuk cang.

Mah bu zong cun Trump nih a biapi huaha lomi thil hmete bantukin a chim peng i mipi khumherh (lockdown) tuah zong a duh lo caah vantawng in a karh chin lengmang. State cozah pawl zong lockdown tuah lo dingin a fial hna i sianginn zong on dih a timh hoi.

Trump cu nizaan zong kha zawtnak a karh taktaknak Miami khua ah a kal i vote kawl biachimnak a tuah hoi. — AFP, CNN, Bloomberg

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -