20.3 C
Hakha
Sunday, April 18, 2021
- Advertisement -

Ṭial Tharmi

US cu 2021 July ah WHO in a Chuak Cang Lai

US cu 2021 July 6 ah Vawlei Ngandamnak Bu (WHO) in a chuak cang lai, tiah UN nih Nihnihni ah thawng a thanh.

US President Donald Trump nih, “WHO cu coronavirus zawtnak kongah China nih a duh paoh in a tuah caah US kan caah santlaihnak um lo, cucaah WHO cu US nih kan chuahtak cang lai,” tiin UN ah thawng a thanh.

Kum 1948 US Hluttaw biachahnak bangin US nih WHO chuahtak a duh ahcun ahlankan kum 1 in thawng a thanh le WHO ah a thawh ding tangka vialte a thawh dih hmasa a herh. Atu hi US nih WHO ah thawh ding tangka $200 million a bet.

US cu kum 70 chung WHO member asi hnu ah atu bantuk President Donald Trump nih China kongah chuahtak a timh hi si.

Coronavirus zawtnak cu ni kum ah China ram, Wuhan khua in aa thok.

WHO nih US thawng a kan thanh colh lo i China cozah nih zawtnak ṭihnung lo bantukin lih bia a chimmi a bawmh caah hi zatzat US rammi an thi, tiah President Donald Trump nih WHO a mawhchiat.

Trump nih a puhmi cu WHO nih a cohlang ve lo.

President Trump nih WHO chuahtak a timhmi cu US Hluttaw Niam hruaitu Pi Nancy Pelosi (Democrat) nih, “Trump thil tuahmi hi zei taktak hmanh sullam a ngei lo,” tiah a soi.

“Vawlei pumpi ah coronavirus zawtnak doh hruaitu cu WHO asi. Minung nuai tampi nunnak ṭihnung dirhmun asi lio ah Donald Trump nih WHO a ke phelh,” ati.

Atutiang ah coronavirus zawtnak cu vawlei pumpi ah minung nuai 12 (12 million) deng an i chawn cang. Mah chungah ting 5 le thong 40 (540k) leng an thi cang.

US ram lawngah minung nuai 3 (ting 30) leng an zaw cang i mah chung ah ting 1 le thong 34 (134k) leng an thi cang. A zawmi le thimi tambiknak ram asi.

A ra laimi November 3 thimnak ah Joe Biden nih Trump a tei ahcun US nih WHO a chuahtak hlan ah chuahtak lo dingin a leet khawh.

WHO cu Trump nih April thla ah budget a phih. May 18 ah “ni 30 chungah WHO hruaitu thleng uh” tiin ca a pek. Zarh 2 hnu ah “WHO in US kan chuak lai” tiin thawng a thanh colh.

Republican party a ṭanh taktakmi Fox News nih Vice President Mike Pence interview a tuah i “atu liopi ah WHO in chuah cu caan rem asi maw?” tiah an hal. “Asi tuk henta” tiah a leh hna.

“WHO nih vawleipi a kan deuh … a theipar a zun hrimhrim hau” ati.

US cu WHO sinah kum fatin tangka tambik a thawhtu asi. US nih a chuahtak ahcun WHO a thazaang der ngai lai.

WHO cu UN he i bawm in vawlei pumpi ah zawtnak a dotu bu asi. Zei cozah hmanh nih ukmi asi lo, vawlei cung mi vialte damnak caah amah tein khua a khang i rian a ṭuanmi bu asi. Member ram 194 a ngei.

UN Secretary General Pu Antonio Guterres nih, “vawleipi nih COVID-19 ral kan tei khawhnak dingah WHO hi a biapi tuk hringhranmi asi,” tiah a chim.

Trump nih President a ṭuan hnu in, US cu UN Human Rights Council le  United Nations Educational, Scientific and Cultural Organization (UNESCO) in a chuahpi cang.

Ramkip i Bawm in Khuati Thlen Doh Lungtlinnak (Paris Lungtlinnak ti zongin auhmi) le US telh in ramṭhawng 6 nih Iran nuclear sachoh tuahmi zong a chuahtak cang.

Mi tampi nih cun Trump hi ramdang policy a thiam lo tuk. Vawlei cungah US a hmet ter chin lengmang, tiin an soisel. — Fox News, CNN

- Advertisement -

Ṭial Tharmi

Tuni ah ralkap nih minung 2 meithal in an kah hna

Tuni Zarhpini ah, Mandalay ramṭhen Myingyan khua ah tlangval pakhat cu ralhrang Myanmar ralkap nih meithal in an kah caah a nunnak caah thinphan...

Sihni Salai Dawt Cung Lian inn ah gas a puak i a nunnak liam

Sihni Salai Dawt Cung Lian cu an inn ah gas a puak i a nunnak liam tiah kan theih. An nih hi Mandalay ah ralkap...

Yangon ah bomb a puak i ralkap 3 hliam tong

Nizaan ahkhan Yangon ah bomb tam ngai a puak i ralhrang Myanmar ralkap a tlawmbik 3 paoh hliam an tong, tiah The Irrawaddy media...
- Advertisement -

Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko. Thil thar sertu le sipuaizi thlengtu pawl he...

Apoi tuk: Min Aung Hlaing cu ASEAN Meeting a kai lai

Uknak firtu Myanmar ralkap bawizik Min Aung Hlaing cu April 24 ah tuah ding ASEAN meeting ah an sawm ve caah Indonesia a tlawng...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -