20.3 C
Hakha
Sunday, April 18, 2021
- Advertisement -

Ṭial Tharmi

US Hlutdaw Niam nih President Trump ‘phuah dingin tazacuai’ tim

US Democratic party nih President Donald Trump cu ‘phuah dingin tazacuai dingin hlathlai hram a thok cang.’

President a sinak hmangin, 2020 ah Democratic party in zuamcawh a timtu Joe Biden eihmuarnak kong kha ramdang cozah a hlat ter, tiah biathli a len caah Democratic party nih phuah (impeach) dingin hlathlainak a tuah hi si.

US Hlutdaw Niam (House) hruaitu Democratic party member Pi Nancy Pelosi nih, “President hi a tuhmi theipar zunter hrimhrim a herh,” ati.

President Trump nih cun “upadi nih a onh lomi zeihmanh ka tuah lo, mah kong hlathlainak an tuahmi hi ‘mithla kawl’ bantuk asi,” tiah a al.

US Hlutdaw Niam (House) i Democratic MP/representative pawl nih cun President Trump cu phuah dingin tazacuai an duh ngai, nain Republican party hruaimi Hlutdaw Sang (Senate) nih a cohlang theng lai lo.

Hlathlainak an pehzulh ahcun, US Hlutdaw Niam (House) MP pawl nih ‘phuah dingin tazacuainak kong’ vote an thlak lai. Democratic MP an tam deuh caah a tlamtling lai i Hlutdaw Sang (Senate) ah a lan kho lai.

Nain, Hlutdaw Sang MP/senator cheuthum cheuhnih an lungtlin hau. Republican MP a zatawk an um caah a tlamtling kho lai lo i ‘phuah dingin tazacuaimi’ cu hnon asi te lai. Phun dangin chim ahcun President Trump cu an phuak kho taktak lai lo.

Zeitin dah mah tiang a chuah?

Democratic party nih cun President Trump phuah dingin tazacuai an duhnak a sau tuk cang nain ‘aruang’ ṭha an i hmuh lo.

Nain, sungṭhoh rianṭuan pakhat nih “President Trump le Ukraine President Volodymyir Zelensky phone an i chawnhmi kong phungning tein a complain” cangka in, ‘phuah dingin tazacuai taktak cang usih’ tiah Democratic party member an lungtling viar.

Biathli phuangtu nih a complain mi cu atutiang Trump acozah nih Hlutdaw ah a ap duh lo caah zapi nih thil sining dikthlir hngalh asi lo.

Nain, Democrats nih an chimnak ahcun, “Trump nih Ukraine president cu Joe Biden le a fapa Hunter eihmuarnak kong hlat a fial, na hlat lo ahcun ralkap bawmhnak kan phih lai ati,” ti asi.

Trump nih “Ukraine president he Joe Biden kong kan i ruah tak ko, nain amah kong hlathlai dingin ka fial lo,” ati.

Nihnihni ah Trump nih Ukraine ralkap bawmhnak cu a phih taktak, nain “EU ram pawl nih Ukraine ralkap bawmhnak thawh deuh ve hna seh ti ka duh ruangah si,” tiah a chim.

US tuanbia ah president 2 cu phuah dingin tazacuai an rak tong. Kum 1868 ah President Andrew Johnson le 1998 ah Billl Clinton an tong. Nain, Hlutdaw Sang nih a rak cohlan lo caah phuah taktak an rak si lo.

President Richard Nixon zong phuah dingin tazacuai an rak timh nain an cuai manh hlan 1974 August ah amah tein aa phuak.

Trump hi phuah dingin tazacuai (impeach) a ton taktak ahcun 3nk asi lai.

- Advertisement -

Ṭial Tharmi

Yangon ah bomb a puak i ralkap 3 hliam tong

Nizaan ahkhan Yangon ah bomb tam ngai a puak i ralhrang Myanmar ralkap a tlawmbik 3 paoh hliam an tong, tiah The Irrawaddy media...

Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko. Thil thar sertu le sipuaizi thlengtu pawl he...

Apoi tuk: Min Aung Hlaing cu ASEAN Meeting a kai lai

Uknak firtu Myanmar ralkap bawizik Min Aung Hlaing cu April 24 ah tuah ding ASEAN meeting ah an sawm ve caah Indonesia a tlawng...
- Advertisement -

Thawngtha: US Senator 10 nih Myanmar ralkap Rohingya thahnawnnak hlat dingin upadi hran chuahpi

US Hluttaw Sang MP (Senator) 10 nih, Myanmar ralkap nih Rohingya a thahnawnmi hna kha 'miphun cihmih' asi le silo hlat dingin Hluttaw Sang...

Prime Minister U Mahn Win Khaing Than biachimmi a ṭha tuk hringhran

Myanmar Rampumpi Vuancichoh (Prime Minister) Pu Mahn Win Khaing Than nih bia a chimmi cu a ṭha tuk hringhran. Prime Minister U Mahn Win...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -