20.3 C
Hakha
Sunday, April 18, 2021
- Advertisement -

Ṭial Tharmi

US Palek nih an Thahmi Nu cu $12 Million an Liamh Lai

US ram, Louisville khua um a inn ciakhor ah palek nih an kah thahmi nu Breonna Taylor, kum 26 cu khua cozah nih $12 million liamh seh tiin biaceihzung nih bia a khiah.

Mah pinah, khua cozah nih palek rianṭuan ning remh seh ti zongin bia a khiah chih. Khua cozah zong nih al lo tein a cohlan cang.

Taylor a tlangval pa ṭhing hi ritsii a zuarmi asi caah palek nih tlaih an duh. Taylor inn ah a um ṭheo lai tiin kum 2020 March 13 zaan tlai hnu ah khua palek nih “innka kingh loin” Taylor inn an baoh.

Taylor cu a tlangval thar he ihkhun cungah an um lio asi. Palek nih an kah colh hna. A tlangval nih misual ah a ruah hna caah a kah ve hna.

Taylor cu voi 8 bak an khen i a nunnak liam. A tlangval ṭhing he an piatnak a thla in si cang nain palek nih an rak hngal lo. Taylor a chungkhar nih khua cozah cu taza an cuai i atu bantukinn $12 million an ngah hi si.

US ahcun hi bantuk case cu a kum in a rau tawn nain, atu lio cu rampumpi ah “Minak Nunnak a Biapi (BLM)” tiin khuacimui in sandah an piah lio si caah Taylor a chungkhar nih fawi tein biaceihzung ah teinak an hmuh colh.

Louisville khua le Kentucky state cozah nih, “Taylor nih a tonmi bantuk hi midang nih an ton tinak hnga lo palek rianṭuan ning kan remh lai, innka kingh loin misual luhhnnawhnak upadi zong kan thlen lai … ” tiin biaceihzung ah bia an i kam.

Khuabawi Mayor Greg Fischer nih, “hi bantuk tuksapur thil hi a um tinak hnga lo palek rianṭuan ning remh zokzok a herh, hngah awk a ṭha ti lo” tiah a chim.

Taylor a kap thattu palek 3 lakah 1 cu an phuah i 2 cu an dinhter chung hna. Nain, taza an cuai hna lo. Taylor a chungkhar nih tazacuai chap an timh hna lio asi.

“Tuni ah teinnak kan hmuhmi hi a biapit tuk bantukin, Taylor caah tling tein thil dik a len khawhnak dingah a hram thok lawng asi rih.

“Atu cu palek 3 tazacuai kan thok cang hna lai,” tiah hringtu nu Pi Tamika Palmer nih a chim. — AFP

- Advertisement -

Ṭial Tharmi

Tuni ah ralkap nih minung 2 meithal in an kah hna

Tuni Zarhpini ah, Mandalay ramṭhen Myingyan khua ah tlangval pakhat cu ralhrang Myanmar ralkap nih meithal in an kah caah a nunnak caah thinphan...

Sihni Salai Dawt Cung Lian inn ah gas a puak i a nunnak liam

Sihni Salai Dawt Cung Lian cu an inn ah gas a puak i a nunnak liam tiah kan theih. An nih hi Mandalay ah ralkap...

Yangon ah bomb a puak i ralkap 3 hliam tong

Nizaan ahkhan Yangon ah bomb tam ngai a puak i ralhrang Myanmar ralkap a tlawmbik 3 paoh hliam an tong, tiah The Irrawaddy media...
- Advertisement -

Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko. Thil thar sertu le sipuaizi thlengtu pawl he...

Apoi tuk: Min Aung Hlaing cu ASEAN Meeting a kai lai

Uknak firtu Myanmar ralkap bawizik Min Aung Hlaing cu April 24 ah tuah ding ASEAN meeting ah an sawm ve caah Indonesia a tlawng...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -