16.9 C
Hakha
Thursday, April 15, 2021
- Advertisement -

Ṭial Tharmi

US President cuh aa timmi Asia pa a ttap ruangmang

US — Democratic party in US President cuh aa zuam cuahmahmi Asia pa Andrew Yang cu mipi hmai ah mitthli he a ttap ruangmang.

Texas le Ohio state ah meithal kah in minung 31 an thih hnu ni tlawmpal, zahan ah Andrew Yang cu Iowa state khualipi Des Moines ah mipi he tonbiaruahnak a ngei.

Minu pakhat nih “kum 4 ka fa nute cu meithal kah in a thi. Mah lio cu ka fapa te nih a hmuh… Meithal hi US ah ngakchia le tleirawl thihnak tam bik a chuahter tu 2nk asi, nain American ngakchia 4.6 million cu kuan aa rawng i aa hrenh lomi meithal a umnak inn chungkhar ah an um rih. Ngakchia a zaza nih meithal cu an tawngh i anmah silole midang an kah sual lengmang hna. President na si ahcun ngakchia meithal i kah sual a um nakhnga lo zeitin dah na tuah lai?” tiah a hal.

Andrew Yang cu stage tang ah a va ttum i minu cu a kuh ta. Stage cung a hung kai tthan i minu biahalmi cu a thinlung umek in a leh.

“Kum 6 le 3 fapa pahnih ka ngei,” ati pah in mitthli he a ttap. “Ka fapa pakhat hi meithal kah tong sehlaw, mah lio cu ka fapa dang pakhat nih hmu sehlaw ti ka ruat. Ka lungttha lo tuk hringhran.”

“Ka caah president i cuh a har biknak cu ka chungkhar ka hmu kho tuk ti hna lo… tunai na chimmi kong kha – ka lungttha hin lo, ka nun a suk tuk.”

“Meithal hi a ngeitu lawng nih hman khawh ding – an fale le midang nih hman/puah khawh lo dingin, meithal ngei paoh manlo tein remh piaknak upadi ka ser lai.

“Ngakchia an him deuhnak hnga, Americans vialte nih manlo tein nan meithal rak i remh cio te uh tiah sawm kan duh hna.

“Inn chungkhar ah meithal a um ahcun, inn a baohtu misual thah nakin na fale silole a ngeitu i kahsual a tam deuh ko lai. Cucu thil sining taktak asi, hlathlainak an tuah i an hmuhmi asi.”

“Meithal hi a ngeitu lawng nih hman khawh dingin tuah a ttha tiah American vialte an lung kan thlen khawh hna ahcun, ngakchia nih meithal an tawngh zongah zeihmanh an tuah kho ti lo. A ritmi pi, a man fak ngaimi lentecelhnak thil men asi ko cang lai,” tiah Andrew Yang nih a leh.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -