21.3 C
Hakha
Thursday, April 15, 2021
- Advertisement -

Ṭial Tharmi

“Vawlei Cung Ṭihnung Bik Pa Donald Trump” timi Cauk cu Biaceihzung nih Chuahnak Nawl a Pek Hna

Mary Trump nih a pate President Donald Trump thangchiatnak cauk a ṭialmi cu New York Appeals Court nih nizaan ah chuahnak nawl a pek cang.

Mary Trump nih a pate President Trump cu “Vawlei Cung Ṭihnung Bik Pa” tiin ati.

“Zei Tluk Tam Ngeih Zongah aa Za Bal Lomi: Ka Chungkhar nih Vawlei Cung Ṭihnung Bik Pa an Ser Ning” ti tlangtar in cahmai 240 khat bakin Donald Trump chiatnak kong cu a ṭial.

Cauk chuahtu company ‘Simon & Schuster’ nih chuah le zuarpiak a timh nain Trump a naupa Robert Trump nih ‘chuahnak nawl pe hlah uh’ tiin biaceihzung ah taza a cuai.

Cucaah, biaceihzung nih ‘chuah rih lo dingin’ a rak kham. “Simon & Schuster” company nih Appeals Court ah nawlnak an tuah i atu bantukin chuah le zuarnak nawl a pek hna hi si.

Mary Trump cu President Trump a upa Fred Trump Jr (tleicia) fanu asi.

2001 ah Donald, Robert le Mary Trumps cu Fred Trump innlo ro kongah “Phuan Lo Ding (NDA)” sachoh ah minsen an rak thut, chungkhar biathli phuan lo ding ti zong sachoh ah aa tel – Fred Trump cu Donald, Robert le Fred Trump Jr i an pa asi.

Biaceihtu Pu Alan nih, “Mary Trump nih an sachoh a buar/lo cu kong dang asi caah hnu ah kan ceihte lai. Cauk chuahtu company Simon & Schuster cu sachoh ah aa tel lo caah chuahnak nawl a ngei, chuah ko seh” tiin bia a khiah.

Mary Trump a sihni pawl nih “sachoh buar/lo kong cu July 10 ah ceih asi te lai,” tiah an chim.

Cauk chung ahcun, Mary nih “ka pilepu inn cu khat le khat i huatnak le ralnak lawngte in a khat, sivai chungkhar asi ko” tiah a ṭial.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -