27.6 C
Hakha
Thursday, April 22, 2021
- Advertisement -

Ṭial Tharmi

Vice President Henry Van Thio nih Bungzung Mirang Vawlei Sehzung Lim Zokzok Dingin a Fial Hna

Hakha peng, Bungzung khua pawngah an sakmi mirang vawlei sehzung cu lim zokzok dingin Vice President Henry Van Thio nih Bungzung a tlawn lio ah a forhfial hna.

Vice President nih, “kan ram nih mirang vawlei kan i zat lo caah ramdang ah kan cawk lengmang,” tiah a chim.

“Ram a ṭhancho bantukin ṭhanchonak rian zong tam chin lengmang in ṭuan a hauh lai caah kan ram nih mirang vawlei kan herh chin lengmang lai.

“Mirang vawlei sehzung kan saknak hmun Bungzung hi Sagain le Magway ṭaing aa tonnak zawn asi caah an caah mirang vawlei cawk/phorhnak a fawi deuh lai i tangka an tatta deuh lai. An tatta mi tangka in adang ṭhanchonak rian pawl an ṭuan khawh lai. Rian ṭuan awk a tam lai i mipi caah hlawknak tampi a chuahpi lai.

“Bungzung Mirang Vawlei Sehzung cu avoi 1nak ah ni 1 5,000 tons a chuah khomi in an sak lai i avoi 2nak ah 5,000 tons in an sak ṭhan lai. An lim tik ahcun ni fatin mirang vawlei 10,000 tons peng a chuah khawh lai.

“Cucaah, ramchung mirang vawlei herhmi a zawh dih pinah a hleimi zong um lai i ramdang ah zuar khawh asi lai. Pawngkam he chawlehnak a ṭhancho ter lai i Chin state a ṭhancho tertu taktak asi lai.

“Cucaah, a ran khawh chungin lim dingin i zuam uh,” tiah Chin state cozah cu bia a rawnh ta.

Vice President cu Chin state ṭhanchonak rian an ṭuanmi zohfel dingin August 12 ah Kalaymyo Airport a phan i Chin state chaklei peng 5 i ṭhanchonak rian an ṭuanmi pawl a zohfel hna.

Charhchan: Chin World

- Advertisement -

Ṭial Tharmi

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...
- Advertisement -

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Falam pengah Chin ralkap ‘CNDF’ an dirhmi hi mipi caah a tha maw?

Falam peng, Kalay-Kabaw le ramkip um Chin miphun nih kan ceih hnu April 13 ah Chin Miphun Runvennak Ralkap (Chin National Defence Force -...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -