21.3 C
Hakha
Thursday, April 15, 2021
- Advertisement -

Ṭial Tharmi

VIDEO – Paih Champions Siangpahrang cotu Hniarlawn cakei Uk Ling Thang

Nizaan i US ram Dallas khuapi ah tuahmi paih champions pawl ‘Champions Siangpahrang (King of Champions)’ i cuhnak ah paṭhawng Uk Ling Thang nih bual a co.

Paih Champions Siangpahrang Uk Ling Thang nih, “tutan paih tuahnak ahhin upa pawl nih America chung ummi paih champion a ngah balmi paoh cu an sawm dih ko hna, nain a hung chuakmi an tlawm ngai, sungh an ttih,” tiah a chim.

“Paih an duh ka theih ko. Ni fatin Gym ttha tein an tuah peng. Eidin zong an i canh, an i redi ko buin tuni champions vialte i phomhnak puai ah an rat lo hi cu sungh an ttih ruangah si ko.

“Kei cu kaa paihnak paoh ahcun champion ka ngah lai ti kaa zum peng ko. Kei cu paih an tuahnak paoh ahcun an ka sawm lo zongah an ka sianh paoh cun kaa pai peng lai. Redi peng ka si. Ka ral zong ttha.

“Tuni ah Rung Lian Ceu aa paih ve lomi cu aaa…. zei dangdang aa sawtkhatmi um lo cun aa paih ve ding hrim si tiah ka ruah,” tiah a chim.

Uk Ling Thang biachimnak cu atang video minutes 11:30 in aa thok

2016 le 2019 Chin Miphun Ni paih ah minung 30 hrawng tengh in ‘mi tambik teitu’ laksawng a rak ngahtu Biak Hmun Sang nih Zatlang Paih Champion a co.

Zatlang Paih Champion a co hnu ah Champions Siangpahrang i cuhnak ah aa pai tthan i Uk Ling Thang he bual an i cuh. Naa tum aa sumi bak an si ko. An i khingkhang taktak nain Uk Ling Thang nih a tei.

Uk Ling Thang a tei khotu um ti dawh an si lo. US in Hakha tiang champion a cotu Chuncung cakei Rung Lian Ceu nih a singkhaw balte ahcun aho lei dah tangka ka thap lai ti chim a har ngai. Nizaan ah Rung Lian Ceu aa paih lo cu mipi an siaherh taktak.

Paih an thok hi Malaysia lei cun deilei 3am bak asi caah kan mit zong kan au kho huaha ti lo. Hniarlawn tlangval pawl cu an cakei Uk Ling Thang zoh lai lo an ruah khawh lo caah zaan khuadei tiang phone 2 te an bih tti hna.

Uk Ling Thang caah zaan khuadei cu an ngamh tuk. Hi tluk mi deuh a hmang lomi Uk Ling Thang cu i ngeih cio usih law kan ngamh cio ko lai dah.

February 2019 lio — Hmanthlak i $7,000 pinah Zatlang paih champion $2,000 a ngah rih. Kulhmi 3; Thawng Lian, Biak Hmun Sang le Lal Rem Ruat

Hniarlawn hi paih cu an rak thiam hrim. An ci hrimhrim ah paih aa tel rua ti awk in a um. Hakha, Malaysia, Australia, US, tbk., an phanhnak hmun paoh ah paih bual an co peng.

Paih Siangpahrang Uk Ling Thang cu Indianapolis khuapi ah tuahmi February Chin Miphun Ni paih zongah zatlang paih he zuamcawh paih he World Champion a rak lak hoi cang. Leicung Paih Ṭhawngbik taisawm le $9,000 (Kawlram ting 130 leng) a rak co.

February 2019 cu ramdang Lai pathawng pawl zong an rak sawm len hna nain Uk Ling Thang an rak tei kho bak lo.

“Paih cu Hniarlawn ta asi ko,” Chuncung, Hakha Khuathar le Zophei nih an chut kho te hna hnga dek maw.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -