15.6 C
Hakha
Sunday, April 18, 2021
- Advertisement -

Ṭial Tharmi

WHO nih COVID-19 hi Pulrai Chia Bik a Si a Ti

Vawlei pumpi ah minung ting 160 (16 million) a zawt ter cangmi COVID-19 cu, nihin tiang kan tonmi pulrai vialte lakah a chiakha bik si, tiah Vawlei Ngandamnak Bu (WHO) hruaitu Tedros Adhanom Ghebreyesus nih tuni ah a chim.

“Kan dihlak biatak tein kan i ralrin a herh. Mask kan i hruk dih le mibu lak um kan hrial lawngah mah pulrai hi kan tei khawh lai,” tiah Geneva khua thawngla pawl sinah a chim.

“Mask kan i hruk dih le mibu lak um kan hrial dih ahcun mizaw thar an zor deuh. Hihi kan zulh lo ahcun mizaw thar an karh.”

“Canada, China, Germany le South Korea nih cun an ram ah karh ti lo in an kham khawh cang,” tiah a thangṭhat hna.

Karh ti loin kan control khawh cang an tinak khua le ram cheukhat ah mizaw thar tampi an karh ṭhanmi hrim hi thinphang tuk asi.

Nihin tiangah vawlei pumpi ah COVID-19 in minung ting 6 le cheu (650,000) an thi cang.

WHO emergency programme lutlai Mike Ryan nih, “ramkip nih nan ram chungah mizaw thar karh lo dingin khat le khat aa hlat piin um ding tibantuk zulhphung ṭha tein tuah cio a herh tuk,” tiah a chim.

“A fiang tuk ko. COVID-19 zulhphung rengh ahcun mizaw thar an zor, dorh ahcun an karh. Ramkip nih hmailei caan saupi tiang nan ramri khar peng ding zong asi kho ti lomi si,” ati.

WHO hruaitu Pu Tedros nih, “Japan le Australia bantukin COVID-19 nih fawi deuh in a thah khawhmi zawtnak ngei cia le kum upa pawl hi usape in kan thlop hna a herh, mah lawngah minung tam deuh thihnak chungin kan khamh khawh hna lai,” ati. — Reuters

- Advertisement -

Ṭial Tharmi

Tuni ah ralkap nih minung 2 meithal in an kah hna

Tuni Zarhpini ah, Mandalay ramṭhen Myingyan khua ah tlangval pakhat cu ralhrang Myanmar ralkap nih meithal in an kah caah a nunnak caah thinphan...

Sihni Salai Dawt Cung Lian inn ah gas a puak i a nunnak liam

Sihni Salai Dawt Cung Lian cu an inn ah gas a puak i a nunnak liam tiah kan theih. An nih hi Mandalay ah ralkap...

Yangon ah bomb a puak i ralkap 3 hliam tong

Nizaan ahkhan Yangon ah bomb tam ngai a puak i ralhrang Myanmar ralkap a tlawmbik 3 paoh hliam an tong, tiah The Irrawaddy media...
- Advertisement -

Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko. Thil thar sertu le sipuaizi thlengtu pawl he...

Apoi tuk: Min Aung Hlaing cu ASEAN Meeting a kai lai

Uknak firtu Myanmar ralkap bawizik Min Aung Hlaing cu April 24 ah tuah ding ASEAN meeting ah an sawm ve caah Indonesia a tlawng...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -