16.9 C
Hakha
Thursday, April 15, 2021
- Advertisement -

Ṭial Tharmi

Ziknawh cohlangtu Myanmar Electric Vuanci Zung riantuan 2 an tlaih hna

Yangon — Electric le Sehtha Vuanci Zung tangum Tilekṭhik Tuahnak Zung bawi 2 cu tender soktu company sin in ziknawh an cohlan ruangah an tlaih hna.

Mandalay ramṭhen um Myitnge Tiva lekṭhik design le tuahnak tender a soktu company nih zik an nawhmi hna an cohlan ruangah, Myanmar Eihmuar Dohnak Zung (ACC) nih a tlaih hna hi si.

Zung bawi U Chit Toe le U Min Khaing cu Eihmuar-Dohnak Upadi Dal 56 in Naypyitaw le Mandalay Palek Sakhan ah case kan onpiak hna, tiah ACC nih tuni ah a thanh.

U Chit Toe zung nih Upper Yeywar tilekṭhik tuahnak rian dot 3 (Power House, Open Cut Work le Upper Party Excavation) ṭuan dingin tender a ngahtu company cu Rian-Apnak Certificate (TOC) a chuahpiak nain, ‘tlai man’ a hal lo, tiah ACC nih a thanh.

Company nih 2017 May 6 ah lim dingin minsen a thutmi si nain a lim lo. 2019 June 24 tiang, ni 790 a tlai. Mah ruangah Mandalay ramṭhen nih tangka ting thong 4 dengmang (378.5 million kyats) a sung.

Tilekṭhik cu Mandalay ramṭhen i Kyaukse Peng ah kum 2001 in tuah hram an rak thokmi si.

Cun, U Chit Toe nih company minung hman loin amah zung rianṭuan pawl ani ca in a ṭuanter hna ruangah company nih ‘lawmh man laksawng’ tangka ting 750 an pek, tiah ACC nih ati.

Tilekṭhik Tuahnak Zung i Design Bu lutlai U Min Khine zong nih company pawl cu sachoh tuahpiak man pinah ahlei in tangka ting 310 le ramdang tlawnnak a hal hna, tiah ACC nih a thanh.

ACC biachimtu U Kyaw Soe nih, “zung hruaitu 2 hi eihmuarnak ah an i tel caah Eihmuar-Dohnak Upadi Dal 56 in taza kan cuai hna. Atu hi palek nih an tlaih cang hna. Cozah rianṭuan pawl nih ziknawh an cohlan ahcun a tambik kum 10 tiang thongthlak khawh an si,” tiah a chim.

ACC nih hin Tanintharyi ramṭhen vuancichoh Daw Lei Lei Maw le Global Grand Services Company rianṭuan 3 zong ziknawh ruangah an tlaih cang hna.

Kokek Chuak le Pawngkam Zohkhenhnak Vuanci Zung tangum No. 2 Leitangchuak Cawhnak Zung bawi zong an tlaih cang.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -