Lai paih champion hlun Rung Lian Ceu nih a singkhaw mi cu champion Biak Hmun Sang nih $15,000 in a cohlan.
Biak Hmun Sang nih, “Aho fa hmanh ka ṭih hna lo. Rung Lian Ceu nih i pai ṭhan dingin na ka singkhaw mi cu kan cohlan. 2022 August 20 ah kan i pai ṭhan lai,” tiah thawng a thanh.
“Thla 6 chung timhnak caan na ngei.
“CDF paih tuahtu nih $15,000 an chiah lai. A herh lomi bia tamtuk chim kha August thla ah donghter usih!
“Ho paoh nih hmuh dingin rak share cio uh. Indianapolis ah si te lai,” ati.
Kum tampi chung champion a simi Rung Lian Ceu cu ni kum August 21 ah Biak Hmun Sang nih amah tangka $5,000 in a singkhaw i a tei.
Rung Lian Ceu nih a singkhaw ṭhan i atu bantukin Biak Hmun Sang nih a cohlan hi si.
Vawlei cung ramkip Lai pa vialte lakah paih ṭhawng thiam bik le paih minthang bik i phomh lai cu ngaih a um taktak.
Anmah 2 i phomh cu khuazing le khuazing i phomh bak si ko lai.
