UN _ Human Right Phu nih 2020 chungah nuhrin covo a buar bikmi ram an thim hna i, a pakhatnak ah Tuluk an chiah.
Uighur (Turkic miphun) 1 milion a hren hna; nuhrin covo riantuan thong a thlak hna; Tibet a doh; COVID kong a phuangtu miraltha nu le miraltha pa an kaa a phih hna. COVID sining a phuangtu a tlaihmi hna cu Dr. Le Wenliang le journalist Zhang Zhan an si
A dang ram hna cu: Iran, Cameroon, Venezuela, Saudi Arabia, Zimbabwe, Cuba, Turkey, North Korea le Russia hna hi an si.
Hi ram hna nih nuhrin covo buarnak ah an tlaihchihmi zumhnak le ruahnak hi ai dang cio. North Korea, Venezuela, Cuba le China Communist asiloah socialist states an si. Zimbabwe, Russia, Turkey le Cameroon hna hi tlaihhrem uknak tangah a ummi an si. Saudi Arabia le Iran hi Islam uknak an si.
UN chungtel an si dih nain nuhrin covo an buar thiam. Russia, Cuba, Venezuela, Cameroon le China lebang cu UN ah Human Rights Council a tuan liomi an si.
Iran nih a uknak soiseltu a thahnawn. Syria mibupi thahnak a bawmh hna. Ralhrang a bawmh hna. Vanlong citmi bom in a puakhnawh hna. A daimi lam zawhtu a thah hna.
Cameroon nih journalist Samuel Abuwe a thah. Siangngakchia bu a thah hna. Ramkhel an party dang a tlirhkhonh, kan in thah hna lai a ti hna.
Venezuela nih cozah soiseltu a thah hna. Thimnak deu in an ram a kalpi. Nuaih tampi nih harnak an tonmi kha ai theihter lo.
Saudi Arabia nih sualnak ngei lo Yemenis thong tampi bom a puahhnawh hna. Nuhrin Covo riantuan thong ah a thlak hna.
Zimabawe nih Journalist Hopewell a tlaih. Lamzawhmi hna kha a hrem hna. COVID in i runvennak zulhphung a tuahmi a soiseltu kha a tukvelh hna.
Cuba nih minung zalonnak hram vialte kha a zul lo. Rithaisi tawnghthamnak kha a cohlanpiak hna. Turkey nih nuhrin covo riantuan Osman Kavala thong ah a thlak.
North Korea nih nuaih tampi a mile kha rawltam in a umter hna. 100,000 a hren hna. Hramhram in rian a tuanter hna. Zapi hmai i mithahnak kha ngakchia a zohter hna.
Russia nih party dang an hruaitu Alexei Navalny sivai in a thah. Ramkhel minung 362 thong ah a thlak hna. Jehovah Witnesses 300 a hrem hna. Syria ah ramchungmi bom a puahhnawh hna.
THE CHRISTIAN POST
