US _ Agt. Jessica Mitchell, kum 30, Texas, cu a car chungah voi tam nawn kahnak hma he hmuh a si, thitur a ngeih ti lo caah sizung an kalpi ko nain a thi colh.
Jessica cu rian dinh caan karlak ah a chuak i San Antonio chung Interstate 10, 3 a.m. ah hmuh a si. Amah hi US Army Medical Center of Excellence ah specialist in a tuan liomi a si.
“Drill Sergeant Jessica Mitchel thihnak ruangah kan ngaihchia ngaingai,” Maj. Gen. Dennis LeMaster nih a ti. “A chungkhar, hawile le raalkaap vialte hna sinah kan tuarpinak kan langhter i, hi caan chia ahhin kan si khawh tawkin bawmhchanh kan i zuam.”
A tthutnak zawn thlalawngawng le inka ah meithal kahnak nehhnu tampi hmuh a si.
A pa Mayo Mitchel nih, “Keimah nak ttha i ttuan dingin ka fale hi ka cawnpiak hna. Ram rian a ttuannak ah lungtakte in ai zuammi a si nain a caan tawiter in a um,” tiah a ngaihchiahnak langhter.
2017 ah a unaupa Justice Mitchell, kum 18, zong kahthah a rak si ve. An unau in an vanchia. A kapthattu nawlngeitu nih an kawl cuahmah lio a si.
FOX NEWS (January 3, 2021)
