US, Utah _ Mike Lopez cu a nu lu ah a kah i a farnu he a ruak pawngah an lam caah lainawn case in tlaih a si.
Palik cathanh ning cun kum 23 upa Mike Lopez cu rawl einak cabuai ah meithal he a thu. A farnule pahnih nih an zamtak.
A nu Ramirez nih, “Na ka thah lai tiah ka zumh ko nain kan dawt,” a ti. Lopez nih cun a nu cu voikhat a kah i a hngawng le hmai a khen caah a thi colh.
Cu hnuah a farnu pakhat a hung ra i Lopez he an laam hlanah a nu sam kha a tuk ta ve. Cu lioah a farnu pakhat kha a zaam i, nawlngeitu a chimh hna.
Palik an va kal i takkholhnak ah a meithal he vampang hngauh in a rak thu. Ka tuahmi a si lo tiah a tap, a nehhnu ah thah a ka fialtu an um caah ka tuahmi a si a ti.
A zaammi a farnu nih cun ka tapa le unaunu nih hin sechoh an zuk ko rua tiah nawlngeitu sinah a chim. Lopez he a laammi nu cu an hal tikah ngaihchiatnak hmanh a langhter lo, phundang ngai khin a um. Hla hna a sa thulh. Kah a tongmi kha ka nu a si lo a ti men. (Sechoh a ri rua).
A tapa Lopez he an laamnak kong kha an hal tikah a nih men. Lopez cu lainawn, phungninglo meithal ken le ngakchia hmai thil sualtuah case in tlaih a si.
January 12 ah biaceihzung a phan lai. American Fort i 4th District Court ah an kalpi lai. Hmanthlak hi hringtu an nu, an thahmi, pawngah a laam huarmi ta-far cu an si.
BRIETBART (January 5)
