US Hluttaw nih Thimtu Upa (Electoral College) vote a rel i Joe Biden nih Trump a tei tiin a fehter cang. Hluttaw nih a fehtermi cu Vice President Mike Pence nih a lungtlinpi i zapi theih in a thanh cang.
Cucaah, Joe Biden cu January 20, 2021 ah 46nak US President ṭuan dingin biakamnak an tuah lai.
Joe Biden nih Thimtu Upa vote 306 a ngah i Donald Trump nih 232 lawng a ngah.
US rampumpi ah Thimtu Upa 538 an um caah teitu sinak ding ahcun acheu fai 270 ngah a herh. Biden nih a herhmi lengpi tiang a ngah.
Liamcia kum 25 chungah Donald Trump lawng hi term 1 lawng US president a ṭuanmi si.
Hluttaw nih Thimtu Upa vote an rel lio ah Donald Trump ṭanhtu pawl nih kham an timh i Hluttaw an baoh caah MP (representative le senator) vialte an zaam dih.
Trump ṭanhtu 4 an thi. Mah kong cu mah hi hmet lawng tling tein rel khawh asi.
