US ram Indianapolis khua ah a ummi Indiana Chin Baptist Church (ICBC) nih Kawlram ralkap duhlo langhternak CDM caah US dollar ting 1 ($100,000, Kawlram ting thong 1 le ting 400) a hlut lai, tiah ICBC pastor sin in kan theih.
“Ralkap nih hramhram in Kawlram uknak a chuh ṭhan ruangah a hrum-aimi kan miphun tuarpinak le CDM dirkamhnak caah dollar ting 1 bawmhnak pek dingin nihin ah khrihfabu nih bia a chah cang,” tiah a chim.
“Hi bawmhnak cu Chin Baptist Churches USA (CBCUSA) sinah a pek lai i CDM cawlcanghnak caah khrihfabu dangdang bawmhnak pekmi he Kawlram ah a kuat ṭi te hna lai,” ati.
A luancia Hakha kokek puicimhnak tuar lio zongah ICBC khrihfabu nih dollar ting 1 bawmhnak a rak pek bal cang.
ICBC cu kum 2004 ah US ram Indianapolis khuapi ah dirhmi khrihfabu asi i caantling pastor 5 an ngei.
Charhchan: Chin Cable Network Channel
